Agromuralla desconvoca a folga de entregas de leite que non secundaron os sindicatos agrarios

Agromuralla, o colectivo convocante en Galicia, ten certo peso, sobre todo en Lugo, e historicamente é crítico co papel dos sindicatos

O colectivo lucense de gandeiros Agromuralla apraza por agora a folga de entregas de leite que estaba prevista iniciar este mércores, 15 de decembro, á espera de que se faga unha reunión a nivel estatal con outros gandeiros de España.

Os SINDICATOS AGRARIOS NON SECUNDAN
En declaracións a Europa Press, o presidente de Agromuralla, José Luis Pérez, explica que están á espera de que se convoque unha reunión, previsiblemente o 20 de decembro en Valladolid, con gandeiros de diferentes partes de España para acordar esa folga de entregas, xa que "non ten moito sentido" facela en solitario.

Mentres, explica que membros deste colectivo --que agrupa a máis de 400 gandeiros-- mantén reunións con representantes de industrias lácteas para reclamar subidas de prezos.

PROPOSTA DE PARO INDEFINIDO E TOTAL
Esta protesta está exposta a nivel estatal pola Plataforma de Gandeiros Lácteos Unidos. Da folga de entregas desmarcáronse as dúas principais organizacións agrarias en Galicia, Unións Agrarias e Sindicato Labrego Galego.

E é que a intención da folga de entregas pasa por que sexa indefinida, sen que circulen camións de leite por estradas, ata que haxa unha subida a uns 41 céntimos por litro de leite que se paga a gandeiros.