​(VÍDEO) Abel Caballero di que Vigo é a envexa no planeta e no espazo: “Na Estación Espacial están cegados”

|

Un ano máis, o Nadal comezou na Terra por orde de Vigo, cidade encargada por designación de Abel Caballero de dar comezo ás festividades.


Co aceso da iluminación na cidade olívica comezan as festas en todo o planeta e fóra do mesmo, xa que na Estación Espacial Internacional están "con lentes de sol" pola luz da urbe galega.


Vigo abel cabaleiro

Abel Caballero durante a iluminación de Vigo | Foto: @abelcaballero


Na Estación Espacial Internacional sempre é de noite. Ou sempre é de día. Alí o tempo é relativo, a máis de 400 quilómetros de altura. Desde o alto divísanse mares e desertos, selvas e casquetes polares...todo ao mesmo tempo. E Vigo. Desde o sábado Vigo divísase de forma cristalina desde a Estación Espacial, segundo o relato do alcalde de Vigo, Abel Caballero. O rexedor, de xira polas televisións promocionando unha nova iluminación na cidade olívica, volveu ser o centro de todas as miradas a pasada fin de semana, durante o aceso das luces do Nadal, o seu día favorito do ano.




Aínda que estivo acompañado de diversas personalidades e da atleta paralímpica Susana Rodríguez, oro tríatlon nos Xogos Paralímpicos de Tokio, as fotos o sábado ían para Caballero, que levou a iluminación deste ano a niveis estratosféricos. “Na Estación Espacial Internacional están cegados coas luces de Vigo. Acábanse de poñer lentes de sol”, sentenciou o rexedor, que calculou nun 440 km de altura o alcance lumínico da súa cidade.



Tamén aproveitou o acto para dirixirse en inglés aos astronautas para que sacasen unha foto ás luces viguesas para demostrar que son as mellores do mundo. Entre vivas a Vigo, a Galicia e a España, Caballero desexou bo nadal a todos os asistentes en castelán e inglés -non en galego-, antes de despachar a todos cun “Ale, fóra!”.




MEMES DA ILUMINACIÓN, As PANXOLIÑAS...

Pola iluminación tamén se deixou ver algún imitador do alcalde, inimitable de xeito evidente, aos “11 millóns” que aluman a cidade. Millóns de luces que provocaron un aluvión de memes na rede, co aceso como protagonista, capaz de broncear a calquera como de destruír a Terra.






Outros, en cambio, puxeron o foco nos altofalantes repartidos por toda a cidade que ameazan con martillear aos veciños con panxoliñas durante as festas...





Mentres, algúns preferiron tomarse con moita retranca algunhas palabras de Caballero, como cando afirmou que a de Vigo era “a mellor do mundo”.





En cambio, a algúns a iluminación xa lles sabe a pouco e piden a Caballero levar un paso máis aló a espectacularidade do Nadal en Vigo. Será por ideas...

.



Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE