Feijóo ultima os preparativos para o cume de presidentes autonómicos, onde fará de anfitrión ​

|

O presidente do Goberno de Galicia mostra en redes sociais que ten a mente posta no martes, onde reunirá a oito presidentes autonómicos de distintas cores políticas para falar de financiamento. 


Con todo, non será ata martes que Feijóo aterrará en Galicia, xa que esta fin de semana asistirá a diversos actos no sur de España. 


Feijóo prepara o cume de presidentes do martes.

Feijóo na súa publicación de redes sociais | Foto: EP


O presidente da Xunta, Alberto Núñez Feijóo, difundiu este venres en redes sociais unha imaxe onde se lle ve nun vehículo e na que asegura estar a preparar a cumes de presidentes autonómicos que terá lugar o vindeiro martes en Santiago.

"É unha honra ser anfitrións dun encontro entre oito comunidades que representan a cuarta parte dos españois e o 62% do territorio. Oito presidentes de tres partidos unidos pola igualdade de todos os cidadáns", recolle o presidente galego.

Tras manter axenda institucional na mañá deste venres en Galicia, Feijóo desprazouse a Andalucía para participar no congreso autonómico do PP. Este sábado viaxará a Ceuta para reunirse co presidente; e o luns participará nunha viaxe en probas do AVE a Galicia previo á inauguración oficial, estimada para dentro dun mes.

Concluída esta axenda, o martes Feijóo recibirá en Santiago a sete mandatarios: os presidentes socialistas da Rioxa, Concha Andreu; Castela-A Mancha, Emiliano García-Page; Estremadura, Guillermo Fernández Vara; Aragón, Javier Lambán; e Asturias, Adrián Barbón; así como o presidente de Castela e León, o popular Alfonso Fernández Mañueco; e o presidente cántabro, Miguel Ángel Revilla (do Partido Rexionalista).

No foco do encontro, ademais doutras cuestións de interese común, estará o financiamento autonómico.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE