Menos AVE e máis tren de proximidade, reivindican varias concentracións en Galicia este venres

Colectivos ambientalistas como WWF Adena ou Ecoloxistas en Acción e sindicatos rurais como o Sindicato Labrego Galego están entre os grupos que apoian estas manifestacións.

As accións a favor do ferrocaril público e para o público terán lugar de forma coordinada por toda España.

A Coordinadora Galega polo Tren Público Social e Sostible en rolda de prensa /EP

 
A Coordinadora Galega polo Tren Público Social e Sostible anunciou concentracións o vindeiro venres 22 de outubro nas estacións de tren de Vigo-Guixar e A Coruña-San Cristóbal para esixir un ferrocarril "público", que "vertebre o territorio e que sexa sostible co medio ambiente".

Na rolda de prensa celebrada este mércores e convocada polo Sindicato Labrego Galego, a Coordinadora sinalou que estas concentracións enmárcanse en toda unha semana "de loita polo tren" que se desenvolve por toda España e que finalizará este domingo en Madrid cunha manifestación que arrincará da praza Tirso de Molina e finalizará na Estación de Atocha.

LOITA CONTRA O QUECEMENTO GLOBAL
Os comparecentes instaron aos Gobernos estatal, autonómico e europeo a que cambien as súas políticas para colocar ao ferrocarril "no primeiro eixo de importancia", dados as múltiples "vantaxes" que podería ofrecer á Comunidade. Segundo indicaron, e teniendo en cuenta a "situación actual de emerxencia climática", o tren é "vital" para "frear o cambio climático", debido a que é "medioambientalmente sostible" e axuda á "descarbonización" do transporte.

Neste sentido, recalcaron que o lema das mobilizacións é 'por un ferrocarril que vertebre o territorio e arrefríe o planeta'. "A Xunta fixo oídos xordos ata a data. Esperamos que decidan investir nun medio transporte vital para o cambio climático e para a mobilidade sostible que garanta a igualdade", aseverou Alberto Díaz, da Plataforma Defensa do Tren da Coruña.

SÓ DÚAS AUTONOMÍAS SEN PROXIMIDADES
A outra punta de lanza das reivindicacións da plataforma é o servizo público que, entenden, debe ofrecer o ferrocarril en Galicia co obxectivo de que "vertebre" o territorio. "Galicia é a única comunidade, xunto con Estremadura, sen núcleo de proximidade, o que representa un abandono do rural e da súa xente", criticou Rafa Escudeiro, do Sindicato Ferroviario.

"A alta velocidade consumiu grandes investimentos públicos, ten un gran impacto ambiental e enerxético, e contribuíu ao illamento de infinidade de zonas rurais. Esta concepción do transporte afástase do papel de prestación de servizo público, de verebración do territorio e de equilibrio territorial que debe xogar o ferrocarril", sinalou Escudeiro.

AVE VS. LIÑAS CONVENCIONAIS
Así mesmo, o propio Sindicato Labrego remarcou que "os sucesivos gobernos do PP e do PSOE realizaron unha política de transporte ferroviario orientada á súa liberalización e privatización, destinando inxentes cantidades de diñeiro para facer a alta velocidade atractivá as privadas e abandonando os investimentos nas liñas convencionais utilizadas polo 95% das persoas que usan o tren".

A aposta por un modelo "errado" baseado nas estradas e o automóbil, no transporte privado, apuntan, repercutiu ademais na supresión "inaceptable" de moitos trens rexionais e unha acelerada deterioración de moitas estacións".

REIVINDICACIÓNS
A plataforma publicou un manifesto no que se recollen 20 medidas para "potenciar o ferrocarril en Galicia". Entre elas, redeseñar a oferta de servizos das empresas ferroviarias públigas para "garantir un sistema multimodal e cadenciado" que "integre adecuadamente os serivicios rexionais cos de grandes distancias"; garantir o acceso universal ao ten a todos os usuarios, tanto en asequibilidad como en canto á eliminación de barreiras arquitectónicas; facilitar que os cidadáns viaxen coa súa bicicleta; así como a recuperación dos trens nocturnos e das circulacións e paradas suprimidas nos útlimos anos.

A plataforma tamén exhorta aos gobernos a impulsar o transporte de mercadorías, o Tren Transfronteirizo con Portugal; a protexer ás empresas públicas ferroviarias "con compensacións que permitan abaratar o prezo dos billetes", paralizar os procesos de privatización e comprometerse a utilizar enerxías renovables.

PROPOSTA DE NOVAS LIÑAS
Por último, instaron ás administracións competentes á creación dunha rede de trens de proximidade en Galicia coas seguintes liñas: Ourense - A Gudiña - Poboa de Sanabria; Ourense - O Barco de Valdeorras; Ourense - Ribadavia - Vigo; Ourense - O Carballiño - Santiago; Monforte - Lugo - Ferrol; A Coruña - Ferrol; Ferrol - Ribadeo; Vigo - Santiago - A Coruña e A Coruña - Lugo