A Mesa regresa á Illa da Toxa para defender o galego da "barbarización" do foro económico que alí se celebra​

Membros da Mesa e cidadáns concentráronse esta mañá na localidade arousá para denunciar a deturpación do toponimo. 

Desde a plataforma inciden en que, se é necesario, acudirán a "calquera tipo de institución e ao xulgado" para facer cumprir a lei de normalización lingüística.

Protesta da Mesa | Foto: EP

Membros da plataforma A Mesa pola Normalización Lingüística volveron este sábado á Illa da Toxa para manifestarse en defensa do topónimo oficial da illa tras a polémica “barbarización” de o Foro de la Toja que vén celebrado nos últimos anos e ao que acoden algúns dos empresarios e políticos máis influentes de España.

"Na Mesa pola Normalización Lingüística non permitiremos que se continúe deturpando e barbarizando os nomes que o galegos e galegas deámoslle aos espazos que habitamos", comenta Marcos Maceira, que xa no pasado acudiu á manifestación celebrada durante o foro e que estivo marcada pola reacción das autoridades contra os manifestantes alí confregados.

Nese encontro asistiron personalidades como o presidente da Xunta, Alberto Núñez Feijóo,o presidente do Goberno central, Pedro Sánchez, e mesmo o rei Felipe VI, “cargos que teñen a obrigación de cumprir e facer cumprir as escasas leis que defenden e amparan o uso do galego", lembra Maceira, que anuncia que a plataforma irá ata onde sexa preciso “para defender que o pobo galego é a única autoridade que pode denominar os nomes dos seus lugares".

Maceira aproveitou para lembrar que, aínda que Felipe VI subliñou que “non é posible a democracia por encima da lei”, “si parece que a democracia é posible se é por encima da lei de normalización lingüística e da oficialidade da lingua galega".

Na opinión da Mesa estas deturpacións pretenden “borrar a historia de Galicia e a nosa existencia como pobo que ten lingua e cultura". “Na Mesa pola Normalización Lingüística non permitiremos que se continúe deturpando e barbarizando os nomes que o galegos e galegas deámoslle aos espazos que habitamos", conclúen.