Aberta a inscrición para cursos en liña de voluntariado da Xunta
A Dirección Xeral de Xuventude, Participación e Voluntariado, abriu a inscrición para o Plan de formación para as persoas voluntarias de Galicia "co obxectivo de ofrecer opcións de formación dixital en materia de voluntariado".
Voluntariado ambiental
A Dirección Xeral de Xuventude, Participación e Voluntariado, abriu a inscrición para o Plan de formación para as persoas voluntarias de Galicia "co obxectivo de ofrecer opcións de formación dixital en materia de voluntariado".
Segundo informa o departamento nun comunicado, os interesados poderán solicitar unha praza no campus en liña na páxina web de Voluntariado, cuxo prazo permanecerá aberto ata que se esgoten as prazas.
A oferta formativa está integrada por seis cursos en liña que ofrecen un total de 630 prazas e que están orientados á formación específica en materia de voluntariado en áreas como: nocións básicas de voluntariado, competencias en materia de voluntariado, lingua de signos, formación en igualdade para a prevención e enfrontamento da violencia de xénero, voluntariado ambiental e voluntariado desde os centros educativos.
O plan de formación está dirixido a maiores de 16 anos "interesados en conseguir coñecementos especializados en materia de acción voluntaria". Cada solicitante poderá inscribirse nun máximo de dous cursos.
Escribe o teu comentario