Así é Exquisiña, a receita de torta de queixo con alma galega de Feiraco, Quescrem e Pazo de Vilane
Os autores da receita son os cociñeiros Lucía Freitas e Pablo Gallego.A receita utiliza ingredientes do país, en concreto ovos de Antas de Ulla, nata de Ponte Maceira e o queixo de Castro Ribeiras de Lea.
Tres empresas galegas e dous coñecidos chefs do país presentaron hoxe Exquisña, unha receita de torta de queixo "con alma galega".
Fixérono esta mañá nun acto en Centro Superior de Hostalería de Galicia situado en Santiago co obxectivo de "chamar a atención de lal necesidade de colaboración entre empresas".
Os promotores da iniciativa son a cooperativa láctea CLUN (participada por Feiraco), a empresa de base tecnolóxica Quescrem e a granxa avícola Pazo de Vilane. Os autores da receita son os cociñeiros Lucía Freitas e Pablo Gallego.
A receita utiliza ingredientes do país, en concreto ovos de Antas de Ulla, nata de Ponte Maceira e o queixo de Castro Ribeiras de Lea.
A directora xeral de Pazo de Vilane, Nuria Varela-Puertas, cre que “como produtores agroalimentarios da Galicia rural, debemos apostar pola incrible calidade dos produtos ben elaborados en Galicia, polo benestar animal, como convicción e por ser columna vertebral do territorio, unha das vías para que non se perda o saber facer do galego en moitas zonas. Esta será unha das formas de dar longa vida ao noso sector e a nosa gastronomía. Poderemos distinguirnos e sobrevivir aos vaivéns do mercado se somos diferentes e defendemos o que facemos: producir alimentos saudables e ricos que protexan a saúde de todas as persoas, o benestar e as nosas tradicións ”.
Pola súa banda, o primeiro executivo de Innolact, a empresa que creou Quescrem, Sergio Martínez salientou no seu discurso que “as empresas non só teñen a responsabilidade de ofrecer aos consumidor produtos de calidade senón tamén de promover o desenvolvemento social e económico da nosa contorna.
O secretario xeral de CLUN-Feiraco, Juan Gallástegui, reivindicou as sinerxias de traballar en cooperativa. "CLUN traballa sempre para ofrecer calidade galega porque ten un impacto positivo no noso campo", concluíu.
Escribe o teu comentario