Bombeiros forestais reclaman á Xunta "estabilidade laboral" nun sector cunha interinidade do 70%

|

Bombeiros forestais de toda Galicia concentráronse esta mañá ante a sede da Xunta para denunciar a precariedade dun sector onde un milleiro de bombeiros traballan só seis meses ao ano. 


Na mesma liña, alertan de que a finais de novembro haberá 1.600 traballadores menos para facer traballos de prevención de incendios.


Concentración de bombeiros forestais antes a Xunta en protesta contra a precariedade

Protesta ante San Caetano | Foto: EP


Decenas de traballadores do servizo público de loita contra o lume da Xunta (Spdcif) concentráronse esta mañá de xoves ante o edificio administrativo de San Caetano, en Santiago, para denunciar a "precariedade" e reclamar "estabilidade laboral".

A protesta celebrouse entre cánticos como: 'Medio Rural, dignidade laboral' ou 'conselleiro de Medio Rural, menos tuitear e máis traballar'. Ademais, levaban pancartas nas que se podían ler lemas como 'Traballo digno todo ou ano'. Posteriormente, cortaron o tráfico durante uns minutos ante o edificio da Xunta.

En declaracións a Europa Press, o presidente do comité de empresa da provincia da Coruña, Juan Carlos Rivas, denunciou que a precariedade é "altísima", con "un 70% de persoal en situación de interinidade", mentres os empregados temporais "non tiveron oportunidade de consolidar postos de traballo".

A este respecto, chama a atención sobre o caso dos 1.000 bombeiros forestais que traballan só seis meses ao ano e "non poden vivir do seu traballo". A eles súmanse outros 600 que están contratados nove meses ao ano.

De tal forma, Rivas expón que "dentro dun mes vai despedir a 1.000 traballadores", engadido a que a finais de novembro cesaranse a outros 600, pero, "mentres, ao conselleiro de Medio Rural éncheselle a boca na medios comunicación e no Twitter dicindo que están a priorizar a prevención á extencion".

Remarca que estes cesamentos "atentan" contra "o que di o conselleiro de que se prioriza a prevención", pois "a prevención hai que facela todo o ano e é fundamental que sexa fose do período de alto risco", polo que "non se pode prescindir" agora destes empregados. E é que "mentres a eles bótallos á rúa, están a contratar a empresas privadas para facer esa mesma prevención".


"QUE O CONSELLEIRO sente A NEGOCIAR DUNHA VEZ"

Pola súa banda, Carlos Rocha (CC.OO.), do comité da Coruña, esixiu que "o conselleiro sente a negociar de verdade", pois "hai unha chea de prazas sen cubrir", o que deixa brigadas "mermadas", "como o outro día en Ribas de Sil", o que leva a "correr risco por falta de seguridade".

Rocha expón que as catro centrais sindicais presentaron unha proposta para que se abra unha mesa de negociación, pero non recibiu resposta. "Vimos dicir: xa abonda", clama.

Aser Tobío, delegada da CIG, censura o "deixamento" da Xunta pola situación de traballadores que padecen esta problemática desde fai "unha chea de anos", dado que hai "unha chea de familias afectadas por un contrato de seis meses que quedan nunha situación moi precaria".

Igualmente, o presidente do comité de empresa de Pontevedra quéixase de que Medio Rural aposta por un proceso selectivo de libre concorrencia, pero iso supoñerá un "despedimento masivo" de traballadores aos que levan "25 anos maltratando", mentres os tribunais europeos din que esas procesos "non valen" ante o "abuso" da temporalidade.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE