Covid por concellos: o brote escolar do Barco de Valdeorras non eleva ao municipio ata o risco máximo por agora

|

O mapa da incidencia acumulada semanal de coronavirus por municipios evidencia que nestes momentos Foz e O Barco de Valdeorras atópanse na situación máis delicada en toda a comunidade. Con todo, mentres que a incidencia na Mariña deixa a Foz no nivel de risco máis alto, no Barco aínda están no segundo nivel máis alto. 


Nesta xornada os maiores descensos rexístranse en Monforte de Lemos, que se recupera dun brote nunha residencia, e as cidades de Vigo e A Coruña. Salvo Ourense, no nivel de risco medio, todas as cidades atópanse ou na nova normalidade -Lugo- ou nel nivel de risco baixo. 


Só Melón, Tricatela e Foz atópanse por encima de 250. Este é o valor para partir do cal o SERGAS valora impoñer as máximas restricións (confinamento municipal, etc.). 



VARIACIÓN SEMANAL

A razón de taxas permítenos saber se un territorio está a gañar ou perdendo positivos desde unha perspectiva semanal. Por exemplo, a razón de taxas de Galicia é do 0,76. Se fose 1, significaría que os positivos nin crecen nin baixan desde un punto de vista semanal.


Municipios cuxo cómputo de positivos no últimos sete días sobe hoxe cunha variación de cinco casos ou máis respecto ao mesmo cómputo onte: 



  • Santiago de Compostela +3



Razón de taxas dos municipios máis afectados nestes momentos:



  • O Barco de Valeorras 1,71
  • Foz 1,69
  • Ames 1,08
  • Arteixo 0,89
  • Vigo 0,85
  • Ourense 0,76
  • Pontevedra 0,68
  • Monforte de Lemos 0,48
  • Santiago de Compostela 0,46
  • A Coruña 0,44




VARIACIÓN DIARIA

Comparando o cómputo semanal dun territorio hoxe co seu cómputo semanal onte, non podemos saber cantos novos positivos saltaron no último día, pero si cal é a tendencia máis recente da pandemia nesa localidade.


Relación de concellos de máis de 10.000 habitantes cuxo total de positivos na última semana baixa hoxe cunha variación de cinco casos ou máis respecto a ese total onte:



  • Monforte de Lemos -16
  • Vigo -14
  • A Coruña -11
  • Ourense -4
  • Pontevedra -3
  • Foz -2
  • Arteixo -1
  • O Barco de Valdeorras -1



A evolución dos positivos en todos os concellos de Galicia pode consultarse no buscador desta táboa: 



DATOS DE HOXE POR ÁREA

Os casos activos de Covid-19 manteñen a tendencia descendente en Galicia e caen ata os 1.677, que implican 142 menos que a xornada anterior, despois de haber de novo máis altas (193) que contagios (53), ao que se engaden os falecementos.


Deste xeito, a Comunidade galega segue por baixo dos 2.000 casos activos de Covid-19 no inicio do outono, como en niveis do pasado mes de xuño --o día 28 dese mes había 1.653 infeccións--.


Por áreas sanitarias, as infeccións activas descenden nas sete, coa da Coruña e Cee á cabeza (-36), seguida da de Vigo (-26), Santiago e Barbanza (-23), Lugo (-21), Pontevedra e O Salnés (-17), Ourense (-15) e Ferrol (-4).


Así, con máis casos activos de Covid-19 segue a da Coruña e Cee, con 426; seguida da de Lugo, con 322; a de Vigo, con 318; Santiago e Barbanza, con 241; Ourense, con 210; Pontevedra e O Salnés, con 113; e á cola mantense Ferrol por baixo do centenar, con 47.



PRESIÓN HOSPITALARIA HOXE POR ÁREA

Segundo os datos actualizados pola Consellería de Sanidade este xoves, con rexistros ata as 18,00 do mércores, redúcense a 19 as persoas hospitalizadas en UCI pola Covid --catro menos-- e a 43 as que se atopan noutras unidades --13 menos--. Mentres, hai 1.615 pacientes en seguimento nos seus domicilios.

A presión hospitalaria alíviase nas sete áreas sanitarias galegas. En concreto, na da Coruña e Cee redúcense a catro os pacientes Covid en UCI --catro menos-- e a nove os ingresados noutras unidades --cinco menos--, mentres que na de Ourense seguen cinco en críticos e descenden a seis os doutras unidades --dúas menos--.

A área de Vigo conta con tres pacientes en UCI --uno menos-- e dúas noutras unidades --uno menos--; mentres que na de Lugo baixan a dúas o críticos --un menos-- e continúan 13 noutras unidades de hospitalización.

Polo seu lado, na de Santiago e Barbanza aínda que hai unha persoa máis ingresada en UCI --ascenden a tres--, baixan a seis os hospitalizados noutras unidades --dúas menos--; e na de Ferrol mantense sen críticos e descenden a dous os doutras unidades --uno menos--.

E na área sanitaria de Pontevedra e O Salnés aínda que aumentan a dúas os pacientes Covid ingresados en UCI --uno máis--, descenden a cinco os hospitalizados noutras unidades --dúas menos--. 


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE