Un invernadoiro en Silleda escondía 161 plantas de marihuana, incautadas xa pola Garda Civil
A benemérita comisou as plantas despois do seu achado no interior dun invernadro de Ponche, en Silleda.
O presunto propietario da instalación é un mozo de 25 anos veciño de Vilanova de Arousa.
As 161 plantas estaban en distinto estado de maduración | Foto: EP
A Garda Civil descubriu unha plantación de marihuana no lugar de Ponche, no termo municipal de Silleda (Pontevedra) no interior dun invernadoiro.
Efectivos do Posto da Garda Civil de Silleda, procederon á incautación de 161 plantas en diferente estado de maduración e crecemento, ademais de dous xeradores, unha rozadora e un depósito de auga cunha capacidade para 1000 litros.
A investigación desenvolvida culminou coa identificación do presunto responsable, un veciño de Vilanova de Arousa de 25 anos de idade, ao que se lle imputa un presunto delito contra a saúde pública, por tráfico de drogas.
As dilixencias instruídas entregáronse no Xulgado de Instrución de garda de Lalín, onde terá que comparecer o investigado cando sexa requirido pola autoridade xudicial.
Escribe o teu comentario