Traballadores da TVG denuncian a desaparición definitiva dos informativos locais

|

O Comité Intercentros da CRTVG alerta da "a desaparición definitiva da TVG das desconexións actividades territoriais que se realizaban a diario ata xuño con información local específica para as distintas áreas xeográficas" na televisión pública galega. 


Informativo local de Vigo   Pontevedra emitido en xuño deste au00f1ou nunha imaxe da CRTVG

Informativo local de Vigo Pontevedra emitido en xuño deste ano nunha imaxe da CRTVG 


Os traballadores lembran que estes informativos locais xa foron eliminados hai tres anos na Radio Galega. Na súa opinión, deste xeito a compañía pública cede terreo ás operadoras privadas renunciando á capilaridade que lle permite as delegacións da Coruña, Lugo, Ourense e Vigo


En 2010 o ente público pechou as delegacións da Mariña, Pontevedra e Ferrol, que en gran medida operaba mediante subcontratas ás empresas editoras dos xornais locais.


Fíxoo no medio de ducias de preitos polo que numerosos de xornalistas e cámaras subcontratados lograron ser declarados persoal da CRTVG. Coa supresión dos informativos locais, os traballadores entenden que as delegacións de onde proceden moitos deses traballadores están a ser condenadas á "insignificancia". 


CRÍTICAS A ALGUNHAS PRODUCIÓNS EXTERNAS

Os profesionais lémbranlle á dirección da empresa pública que una das súas obrigacións é producir contidos e información propia en galego. 


Ao fío disto, cargan contra algunhas subcontratas de programas. En concreto critican o mantemento na rede de produtos como Land Rober de Roberto Vilar, que "acumula graves episodios de violencia machista e en o que CRTVG evita establecer mecanismos claros de control". A CRTVG non respondeu publicamente por agora a estas acusacións.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress