Banesco xa pechou unha de cinco sucursais das caixas e gañou máis de 1.600 millóns con ABANCA

Banesco, de Juan Carlos Escotet, comprou a entidade produto das caixas galegas ao Estado por 1.008 millóns. Desde entón, o negocio -antes Novacaixagalicia agora Abanca- produciu 2.627 millóns de beneficio neto, despois de pagar impostos, segundo as cifras publicadas pola propia entidade.

O ano pasado foi o menos rendible, debido ao impacto do COVID, pero aínda así gañou 160 millóns de euros netos.

É dicir, que o banqueiro venezolano sacoulle xa un rendimiendo de 1.624 millóns de euros. En menos dunha década multiplicou por 2,6 o que investiu.

A pesar destas cifras, ABANCA está a aproveitar a crise para executar unha durísima política de peche de oficinas. Algo que provocou as mobilizacións mesmo de alcaldes do PP.  Nas últimas semanas houbo protestas -incluída una manifestación o xoves na Coruña- promovidas, polo menos, polos concellos de A Baña, Vimianzo, Zas, Cerdido e Fene na Coruña e Portas e Campolameiro en Pontevedra.  

Galiciapress púxose en contacto onte con Abanca para transmitir a súa postura sobre o peche de oficinas no rural e as protestas. O banco alega que moitas das oficinas non teñen a penas movemento, con menos de seis operacións diaria. Como alternativa, propón caixeiros -difíciles para as persoas maiores- e sucursais móbiles.

O concello Portas advertiu que pecharán as súas contas en Abanca se lles pecha a sucursal. Algo que pode ter certo efecto no banco só se fan o mesmos outras administracións de máis peso. Con todo, hai que ter en conta que a gran maioría do negocio de Abanca provén de familias, non de empresas nin administracións.

Familias que, se viven no rural, teñen cada vez máis difícil acceder a servizos bancarios.

Algúns, como Muras, en Lugo, xa se quedaron sen ningún banco. O problema é máis grave porque a moito dos muradáns son persoas maiores que a miúdo non teñen coches.  Desde este verán xa non queda outra que conducir, buscar quen os leve ou pagar un taxi ata Viveiro, a máis de media hora polas perigosas curvas do porto da Gañidoira.

A outra alternativa para eles sería, en teoría, a banca electrónica. En teoría, dada a idade da poboación rural e a pobre conexión da internet que soportan.

Para máis inri, á vez que pecha oficinas galegas ABANCA investiu na compra de negocios bancarios fóra de Galicia, onde di ser depositaria do 45% de todos os aforros galegos.

Así, en 2017 comprou Popular Servizos Financiarios, en 2019 a filial portuguesa de Deustche Bank, o Banco Caixa Geral en España en 2020 e espera integrar o vasco Bankoa a finais de ano e Novo Banco Spain en 2021.

Así figura en a presentación desta semana polo lanzamento dos seus primeiros "bonos verdes". Presentación na que ABANCA presume de "achegar apoio á xente golpeada nas comunidades onde vivimos e traballamos" durante a presente crise do Covid-19. 

Ao terminar Banesco o seu primeiro exercicio á fronte do negocio, NCG Banco tiña 592 oficinas. ABANCA declara nas contas de 2020 462 sucursais en Galicia, 130 menos. 

SALVAR As CAIXAS CUSTOU CASE 13.000 MILLÓNS

O negocio pechou pois máis do 20% das sucursais desde que Banesco comprou os restos das caixas, despois de que salvásense cun enorme investimento público.

O Tribunal de Contas estimou en 12.279 millóns os recursos públicos comprometidos no rescate de Novagalicia: 10.800 millóns para o FROB e outros 1.400 millóns que puxo o conxunto do sistema (Fondo de Garantía de Depósitos).