O Grove queda sen Festa do Marisco outra vez debido ao impacto da quinta onda do coronavirus

|

O alcalde di que non pode asumir os gastos fixos de 300.000 euros e á vez correr o risco de só poder ofrecer o 30% do aforo e con limitacións para as consumicións



Unha muller camiña por unha rúa do Grove, o día en que entra en vigor o peche perimetral do municipio, ao 8 de abril de 2021

Unha muller camiña por unha rúa do Grove, o día en que entra en vigor o peche perimetral do municipio, ao 8 de abril de 2021 


O Concello do Grove (Pontevedra) decidiu suspender por segundo ano consecutivo a celebración da Festa do Marisco, prevista para o mes de outubro, por motivos sanitarios relacionados coa pandemia.




O pasado mes de xuño, o goberno local do Grove anunciou o inicio dos traballos para organizar a festa, unhas tarefas que tiveron que dar marcha trás debido ao empeoramento da crise sanitaria.


QUINTA ONDA

"En abril e maio, tanto as noticias que nos chegaban como as previsións para os seguintes meses eran optimistas e dábannos pé a preparar a festa", sinalou este venres o alcalde, José Cacabelos, que lamentou que a chegada da quinta onda truncase as previsións do seu goberno.

"Levamos desde xuño esperando boas noticias sanitarias pero non só non dan chegado senón que, no caso do Grove, empeoraron e hoxe somos o único concello de Galicia en nivel máximo", apuntou o rexedor.


VAISE ACABANDO O TEMPO

As restricións asociadas a ese nivel, recoñece o rexedor, fan que, a pouco máis dun mes do inicio da celebración, "sexa imposibles xestionar un evento como a Festa do Marisco".

Cacabelos indicou que celebrar coas actuais restricións a festa significaría ter que controlar accesos de entrada, non permitir colas nin na compra de tickets nin nos postos de produto, ademais de que todo o público tivese que estar sentado e ter servizo en mesa.

E todo iso con un aforo do 30%, o que, en palabras do primeiro edil do Grove, "fai totalmente inviable" celebrar a festa ao ser "totalmente incompatible" coas medidas sanitarias impostas desde as administracións.

CUSTO ECONÓMICO
O rexedor argumenta que, ademais, trátase dun evento gastronómico que necesita "dunha elevada afluencia de xente para soportar o ato custo que supón levala adiante".

Cacabelos asegura que o concello "non pode permitirse o luxo" de adiantar os 300.000 euros de custos fixos que carrexa o inicio da organización da festa "e despois non poder recuperalos".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress