A UE asina a compra de 100 millóns de doses a vacina que coproduce a galega Zendal no Porriño

|

Os ensaios completados con ducias de miles de voluntarios mostran unha protección contra a infección de en torno ao 90% e do 100% contra enfermidade grave. A eficacia de Novavax é por tanto unha das mellores entre as vacinas aprobadas ou case listas.




Alberto Fernández na sede do grupo Zendal do Porriño onde se producirá a vacina anti covid de Novavax

O CEO Alberto Fernández na sede do grupo Zendal do Porriño onde se produce parte da vacina anti covid de Novavax 



Novavax, empresa de biotecnoloxía  de Estados Unidos, anunciou hoxe que chegou a un acordo coa Comisión Europea (CE) para venderlle 200 millóns de doses de NVX- CoV2373. É é a vacina cuxo antígeno leva meses producindo Biofabri, do grupo Zendal, na súa factoría do Porriño.


En concreto, o acordo cobre a compra de ata 100 millóns de doses da vacina coa opción de 100 millóns de doses adicionais ata 2023.


PRAZOS DE ENTREGA

Cando estará lista esta nova vacúa? Novavax di que está a traballar para completar o seu envío continuo de NVX-CoV2373 á Axencia Europea de Medicamentos (EMA) no terceiro trimestre de 2021, e espérase que a entrega das doses iniciais comece despois da aprobación. 


É dicir, dentro duns dous meses, en setembro. Con todo, hai que ter en conta que o calendario previsto xa se  atrasou varios meses, estaba prevista inicialmente para finais de primavera.


GRANDES RESULTADOS NOS ENSAIOS

Nun ensaio clínico de fase 3 con case 30.000 adultos nos Estados Unidos e México, NVX-CoV2373 demostrou unha protección do 100% contra enfermidades moderadas e graves e unha eficacia xeral do 90,4%


Nun ensaio clínico de fase 3 realizado no Reino Unido con aproximadamente 15.000 adultos, NVX-CoV2373 mostrou unha eficacia global do 89,7% e máis do 96% de eficacia contra a cepa orixinal do virus.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress