​O festival TerraCeo celebra o Día Europeo da Música con grandes descontos

As entradas para os concertos do mes de xullo no festival vigués contan hoxe cun 21% de desconto.

Nach, Triangulo de Amor Bizarro ou Leo Harlem son algúns dos artistas que actuarán o próximo mes no festival da cidade olívica.

Nach | Foto: EP

Polas táboas do Auditorio Mar de Vigo xa pasaron artistas da talla de Taburete, Baiuca, Os Segredos ou Juancho Marqués, pero aínda faltan un bo puñado de artistas para completar o festival que ten eventos confirmados para xullo e agosto.

Así, con motivo de o Día Europeo da Música, os promotores celebran esta data cun desconto especial nas entradas para os próximos concertos do festival. O desconto, do 21%, poderá aplicarse sobre os espectáculos do próximo mes de xullo.

O desconto está activado na web de Teuticket e poderá aplicarse ao longo de todo o día para os espectáculos de Califato 3/4, Leo Harlem, Triángulo de Amor Bizarro, Anxo Stanich, Nach ou Wôyza.