Seis hospitalizados por intoxicación alimentaria que afecta a 35 anciáns de centros de Leiro e Carballiño

|

A alerta por intoxicación alimentaria de momento afecta a dous centros de maiores da camorca de Carballiño. Tamén se viu afectado un comedor escolar carballiñés, pero por agora non se deron casos neste último. 


Os tres puntos afectados reciben comida da mesma compañía provedora, que xa comezou a analizar os lotes en mal estado. Hai 35 persoas afectadas; seis ingresadas no CHUO.


Chuo 1

Urxencias do CHUO | Foto: EP


Un total de 35 persoas resultaron afectadas por intoxicación alimentaria en dúas residencias de maiores da comarca de Carballiño pola subministración de comida que tamén o fai a un colexio, sen que se notificaron en leste caso casos asociados.

Concretamente, o mércores unha ducia de persoas maiores de dúas residencias da comarca de Carballiño, una do Concello de Leiro e outra do propio Concello de Carballiño, presentaban sintomatoloxía dixestiva relacionada cunha posible intoxicación alimentaria.

Así mesmo, tamén se viu afectado o comedor escolar dun dos centros da vila carballinesa, pero non se rexistraron casos no PAC nin hospital.


Os tres centros reciben a comida desde a mesma empresa cuxos responsables de control de calidade xa acudiron e este xoves desprazaranse os sanitarios para analizar as mostras de comida e determinar a orixe e características da intoxicación.


O mércores rexistráronse 12 persoas afectadas na residencia de Leiro e 4 na residencia de Carballiño, pero este xoves a área sanitaria de Ourense Verín e O Barco indicou que se elevan a 35 os afectados das residencias. Sete tiveron que ser atendidos en urxencias e seis permanecen ingresados.


OPERATIVO

A área sanitaria puxo en marcha un operativo de asistencia para reforzar o persoal do Punto Atención Continuada do Carballiño e de Ribadavia e mobilizou persoal para a atención nos propios centros sociosanitarios teniendo en cuenta que "por idade ou condición de saúde os residentes pódense ver máis afectados".


Ademais, o Sergas informou de que, fóra dos sete pacientes atendidos no Servizo de Urxencias do CHUO, a maior parte dos afectados están a ser atendidos directamente nos seus centros e de forma ambulatoria no Punto de Atención Continuada de Carballiño, onde acudiron máis dunha ducia de afectados.


O plan de seguimento para determinar a orixe e as características da intoxicación púxose en marcha en coordinación cos servizos de Saúde Pública de Medicina Preventiva.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress