Outra manifestación contra o boom dos parques eólicos: Quiroga plántase contra a "especulación eólica"

|

'EiquíEólicosNon, Courel libre de eólicos' convoca unha concentración este domingo 6 de xuño na Praza de España de Quiroga contra a proliferación dos parques eólicos na zona.


Xa este sábado celebrarase en Santiago de Compostela unha gran manifestación contra esta problemática, con máis dunha vintena de organizacións detrás do chamamento. 


Eólicos de Paradela (Lugo)

Parque eólico en Paradela, Lugo | Foto: EP


A plataforma 'EiquíEólicosNon, Courel libre de eólicos' convocou unha manifestación contra a "especulación eólica" o vindeiro domingo, a partir das 12,00 horas que arrincará da Praza de España do concello lugués de Quiroga.


En declaracións aos medios este xoves, un dos portavoces do colectivo responsable da protesta, Pablo González, aseverou que "sobran os motivos" para mobilizarse contra a "invasión eólica" que afecta "ao rural desta zona e tamén a outras moitas de Galicia".

González denunciou que está "proxectado un megaparque, dunha empresa propiedade do Reino de Noruega na zona de Ou Courel, nos límites co Bierzo, e é precisamente no Bierzo onde levan a peor parte".

Así mesmo, o colectivo pon o foco en que na zona sur desta área estean proxectados "cinco parques de 50 interconectados", xa que "non son independentes" senón que, segundo González, "é outro megaparque que tentan metelo como cinco parques pequenos".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress