Covid por concellos: Vigo mantén a súa escalada, preocupa a ría de Arousa e Ferrol cae a risco baixo

|

Vigo, que segue sometida ás dúbidas que xera o impacto da cepa india na cidade, ve crecer unha xornada máis as súas cifras, liderando así a listaxe de municipios á alza, seguida de Cambados. En cambio, hoxe todas as áreas sanitarias perden casos activos.


As demais cidades ofrecen un comportamento moito máis estable, co norte, con Ferrol -a única cidade en risco baixo- e A Coruña -en risco medio, como as demais- mellorando as súas cifras, e Oleiros, que rexistrou un importante aumento de casos activos, destaca hoxe sobre os demais cunha variación dunha ducia de casos.


Con todo, preocupan algunhas zonas como a ría de Arousa, xa que mentres baixa en Vilanova sobe en Vilagarcía, e localidades como A Pobra e Ribeira, na costa coruñesa da ría arousá, parecen repuntar aos poucos. Lobios, Pontedeva e Santiso son os únicos municipios en negro no mapa de alertas. 



Municipios cuxo cómputo de positivos no últimos sete días sobe hoxe respecto ao mesmo cómputo onte:



  • Vigo +9
  • Cambados +6
  • Ribeira +5
  • Vilagarcía de Arousa +4
  • Marín +3
  • Moaña +2
  • Ames +2
  • Ordes +2
  • Tomiño +2
  • Ourense +1
  • Pontevedra +1




Relación de concellos cuxo total de positivos na última semana baixa hoxe respecto a ese total onte:



  • Oleiros -12
  • Vilanova de Arousa -7
  • Ferrol -5
  • A Coruña -3
  • Cangas -3
  • Ponteareas -2
  • Redondela -2
  • Santiago de Compostela -1
  • Lugo -1






A evolución dos positivos en todos os concellos de Galicia pode consultarse no buscador desta táboa:




COMPARATIVA DE CIDADES




As cidades ofrecen hoxe unha evolución desigual. Por unha banda temos á Coruña e Ferrol, que lideran os descensos, con tres e cinco casos menos en 24 horas. No caso da cidade departamental isto é especialmente significativo, xa que a súa evolución permítelle baixar de novo a risco baixo, a única de todas as cidades galegas nese nivel de alerta.


Vigo, en cambio, protagoniza a tendencia á alza. A viguesa é a cidade que lanza a maior variación nun só día ao sumar nove casos máis, ata os 208. En dúas semanas é, se cabe, máis alarmante: 382 casos.   


Ourense e Pontevedra tamén soben, pero a diferenza de Vigo o seu incremento é apenas significativo: só un caso máis desde onte.


No lado contrario vemos a Santiago de Compostela e Lugo, que aínda que non destacan neste apartado recollen dous descensos, cun caso menos tanto na capital como na cidade amurallada. 


EVOLUCIÓN DOS CASOS ACTIVOS POR ÁREA

Se atendemos ás áreas sanitarias, comprobamos como felizmente hoxe todas ofrecen un descenso de casos activos. 


A área de Vigo é a que menos baixa, con só cinco casos menos, en gran medida por rexistrar 67 novos positivos, a cifra máis alta da xornada. A positividade na área olívica foi do 5%, rozando así o límite que establece a OMS. 


A positividade en Santiago, do 4%, é un pouco mellor, aínda que o seu descenso tampouco é moi pronunciado: sete casos menos en 24 horas tras anotar 22 novos positivos. A Coruña, en cambio, aínda que anotou só un contaxio máis que a súa homóloga compostelá, ve caer a súa positividade ata o 1%. A área herculina ofrece un descenso de dez casos menos. 


O apartado dos descensos lidérao Lugo, con catorce casos menos nun día. Séguenlle Pontevedra, cunha ducia menos, e Ourense, con once menos. A positividade, en cambio, é inversa: 3,2% a auriense (13 novos positivos), 2,9% a pontevedresa (29 novos positivos) e 1,6% a lucense (11 novos positivos).


Pecha o reconto Ferrol, que perde nove casos activos nun día. Só detectou tres contagios, cunha positividade nos test do 1,6%, como a súa veciña Lugo. 



O número de casos activos de coronavirus en Galicia é de 2.865: 642 da Coruña, 182 de Lugo, 211 de Ourense, 458 de Pontevedra, 854 de Vigo, 433 de Santiago e 85 de Ferrol.

 

ÚLTIMOS DATOS POR ÁREA

En canto aos casos activos da enfermidade, descenderon por terceiro día consecutivo e, de acordo cos datos deste venres, sitúanse en 2.865, tras diminuír en 68 nun día.

Esta baixada hase replicado en todas o sete áreas sanitarias. A que máis pacientes de covid contabiliza é a de Vigo, con 854 --tras un descenso de cinco--, seguida da Coruña, con 642 --unha decena menos--.

Séguenlles Pontevedra-O Salnés, con 458 casos activos (-12); Santiago-Barbanza, con 433 (-7); Ourense-Verín-O Barco, con 211 (-11); Lugo-A Mariña-Monforte, con 182 (-14); e Ferrol, con 85 (-9). 


HOSPITALIZACIÓNS POR ÁREA SANITARIA

Por áreas sanitarias, a presión hospitalaria reduciuse en cinco delas. En concreto, na da Coruña-Cee descenderon en cinco os ingresados covid, ata situarse nos 45, a pesar de que aumentan nun, ata os 10, os pacientes críticos.

Na de Vigo, os hospitalizados baixaron ata o 48 --tres menos--, mentres que as UCI mantéñense sen variacións con 11 enfermos.

Tamén baixou a presión asistencial na área de Pontevedra-O Salnés, con 29 ingresados (-3), dos que nove (os mesmos) están críticos; na de Santiago-Barbanza, con 22 (-1), deles tres en coidados intensivos (-1); e na de Lugo-A Mariña-Monforte, cun total de 10 hospitalizados (-1), dous deles na UCI.

Mentres tanto, a área sanitaria de Ourense-Verín-O Barco mantívose sen variacións con 12 hospitalizados, dos que dous están críticos, á vez que na de Ferrol subiron lixeiramente, cun total de seis ingresados e só un deles en coidados intensivos. 




Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress