A curva de positivos covid escolar, á alza, empeza a diverxer da curva da sociedade en xeral, á baixa

Ata o de agora as dúas curvas eran practicamente idénticas, se baixaba a curva de casos activos entre toda a sociedade acaba baixando tamén a curva de casos activos nas aulas

Isto permitiu confirmar que as clases non actúan, en termos xerais, como motores da pandemia

Agora prodúcese un fenómeno inédito. A curva na sociedade en xeral leva unha semana cunha lixeira tendencia á baixa, mentres nas aulas a tendencia é lixeiramente á alza. Isto pode explicarse polo avance da vacinación entre a poboación xeral -case o 20% dos galegos xa ten a pauta completa- mentres que a penas hai menores vacinados.

Os casos activos de Covid-19 en centros educativos non universitarios e escolas infantís da Comunidade galega mantéñense en 631 --os mesmos que a xornada anterior--, mentres que as aulas pechadas han aumentado a 39 --cinco máis-- e un centro continúa clausurado debido á incidencia deste coronavirus, a escola infantil unitaria de Cerdedo por un positivo.

DATOS POR ÁREAS

Segundo os datos actualizados este venres polas consellerías de Educación e Sanidade, as infeccións activas soben nas áreas de Vigo (+2) e A Coruña (+6); baixan nas de Ferrol (-2) e Pontevedra (-6), mentres que se manteñen nas de Santiago, Lugo e Ourense.

Deste xeito, a área de Vigo sobe a 199 contaxios --dúas máis-- e conta con 16 aulas pechadas --unha máis--, das que dúas corresponden a a Escola Infantil Santa Isabel de Vigo, que ten nove positivos; e outras dúas á Escola Infantil Gondomar con cinco casos. Pola súa banda, o CPR Plurilingüe Bouza Brey acumula 11 infeccións activas, catro menos.

Mentres, a área de A Coruña se sitúa con 178 casos activos --seis máis-- e mantén nove aulas inoperativas. O CEIP Plurilingüe Isidro Parga Pondal de Oleiros destaca con 16 positivos e tres aulas pechadas.

Séguelle a de Pontevedra con 103 infeccións activas --seis menos-- e catro aulas pechadas --unha máis--. Mantén o único centro inoperativo de Galicia pola incidencia da Covid-19, a Escola Unitaria de Cerdedo por un positivo.

Ademais, o CEIP de San Roque de Vilanova de Arousa, situado nesta área sanitaria, destaca con 16 contaxios como o centro de Galicia con máis casos activos, xunto a outro de Oleiros.

En canto á de Santiago mantense con 78 positivos, mentres que as aulas pechadas aumentan a oito --tres máis--. Nesta área o centro con máis positivos é o IES Nº 1 de Ribeira, con cinco contaxios --un menos--.

Pola súa banda, a de Ourense continúa con 35 casos activos e cunha aula clausurada pola incidencia da Covid-19.

Con menos casos de Covid en centros educativos de Galicia seguen as áreas de Lugo e Ferrol. A primeira delas mantense con 29 casos activos e por cuarta xornada consecutiva segue sen clases pechadas pola incidencia deste coronavirus. O CPR Plurilingüe San José destaca con máis infeccións activas, con seis.

E pecha o cómputo a área de Ferrol na que descenden a nove os casos activos --dous menos-- e segue cunha aula pechada debida á incidencia deste coronavirus.