A Policía Nacional mantén aberta a investigación contra o narcotráfico tras incautar dúas lanchas en Ribeira
As dúas naves, preparadas para o narcotráfico, foron atopadas pola Policía Nacional a pasada semana no municipio barbancés.
Una das lanchas tiña instalados "dous potentes motores", e á outra, de 15 metros de eslora, podíanselle axustar ata catro motores.
Lanchas intervidas | Foto: EP
A Policía Nacional segue a investigación en relación a dúas lanchas preparadas para o narcotráfico intervidas a semana pasada na localidade coruñesa de Ribeira e non descarta detencións.
Así o informaron a Europa Press fontes policiais, que aseguraron que se segue investigado e ata o momento non se practicaron arrestos.
Foron axentes da Policía Nacional adscritos á Comisaría de Ribeira os que se incautaron nunha nave desta localidade coruñesa de dúas lanchas preparadas para o seu uso en operacións de narcotráfico.
Segundo informou a Policía Nacional, unha das lanchas tiña instalados "dous potentes motores", e á outra, de 15 metros de eslora, podíanselle axustar ata catro motores.
A nave na que se acharon as embarcacións dispoñía de servizo de vixilancia e atopábase situada "estratexicamente", destacan as mesmas fontes policiais, e dispoñía mesmo "dunha rampla con acceso directo á Ría de Arousa", engadiron.
Así mesmo, puntualizou a Policía Nacional, no marco deste operativo por delitos contra a saúde pública foi intervida unha carretilla elevadora para o manexo das embarcacións.
Escribe o teu comentario