​2.000 euros ao mes durante unha década para o gañador do 'Sueldazo da ONCE' en Vigo

O sorteo do Cupón Fin# de semana deixou na cidade olívica unha boa choiva de diñeiro: 2.000 euros ao mes durante 10 anos e 24.000 euros en man.

O cupón foi adquirido no hipermercado Carrefour do centro comerial Travesía de Vigo.

Antonio Manuel Martínez Otero | Foto: ONCE

Antonio Manuel Martínez Otero, que leva preto de tres anos traballando coa ONCE, foi o encargado de traer a sorte a Vigo, e aínda que de momento non se coñece ao agraciado, o vendedor di estar “moi contento”.

Con todo, este non é o premio principal do Sueldazo, que ofrece un premio ás cinco cifras e serie de 300.000 euros, máis 5.000 euros ao mes durante 20 anos consecutivos a un só cupón do número e serie premiados na primeira extracción.

A maiores, hai premios premios de 2.000 euros ao mes durante 10 anos consecutivos, aos catro cupóns dos números e serie premiados nalgunha das extraccións da segunda á quinta, como foi o caso do gañador de Vigo, e premio menores, que van desde os 20.000 aos dous euros.