O futuro de Alcoa San Cribao podería definirse o próximo 6 de abril, coas dúbidas sobre Liberty encima da mesa
O Ministerio de Industria citou a todos os actores implicados para unha nova reunión o próximo 6 de febreiro, pasada a Semana Santa.
Traballadores e sindicatos esperan que a próxima reunión logre desbloquear o proceso de venda da factoría ao SEPI.
Alcoa San Cibrao | Foto: EP
O Ministerio de Industria convocou para o próximo 6 de abril, ás 16,00 horas e por videoconferencia, unha nova reunión sobre o proceso de compravenda da planta de Alcoa en Cervo (Lugo).
En concreto, o secretario xeral de Industria e da PEME é o que convocou ao comité de empresa desta factoría e aos sindicatos, para informarlles sobre a situación.
Na última mesa multilateral, con representantes do ministerio e da Xunta, o pasado luns, as partes constataron un estancamento nas negociacións.
Alcoa negocia en concreto coa SEPI (sociedade estatal de participacións industriais) para venderlle a fábrica de aluminio do complexo de San Cibrao, en Cervo (Lugo).
Nas últimas xornadas, a operación viuse condicionada pola situación financeira de Liberty, o particular interesado en adquirir esas instalacións, de saír adiante a compra da SEPI, que funcionaría como intermediario.
O anterior intento de venda á SEPI resultou frustrado ao rexeitar Alcoa as condicións para a operación. A multinacional estadounidense pretendía entón executar un despedimento colectivo para 500 traballadores que impediu a xustiza.
Escribe o teu comentario