El Corte Inglés pon á venda a súa sede central e recibe un non "unánime" á conxelación salarial

Ademais do propable ERE para desfacerse de 3.000 asalariados, El Corte Inglés (ECI) vai sacar á venda parte do seu patrimonio inmobiliario. 

O motivo das dúas medidas é común. ECI, coas súas débeda a un chanzo de ser cualificados de bonos lixo, necesita alixeirar pasivo canto antes e, vista a crise da pandemia, é evidente que non o vai lograr  aumentando ingresos

Que inmobles poñerá ECI no mercado? Non hai confirmación oficial por agora. Segundo El Confidencial, serán sobre todo almacéns, terreos e edificios que non están destinados ás vendas. Salvaríase da queima así, por exemplo, a tenda no centro comercial Marineda City da Coruña, citada nunha listaxe de 200 inmobles a vender, filtrado a principios de 2020.

Imaxe das oficinas centrais de El Corte Ingléss no Barrio de Goya nunha foto de  Luís García (Zaqarbal) / Creative Commons Attribution-Share Alike 3.0 Unported, 2.5 Generic, 2.0 Generic and 1.0 Generic license 

Os que si sairían á venda serían edificios de oficinas como a Torre Titania, a sede central en Hermosilla en Madrid e outros inmobles de oficinas e terreos para construír, cuxa comercialización encargaría a Jones Lang LaSalle (JLL), un dos xigantes internacionais do mercado inmobiliario.

CONVENIO AGNED

Outra  vía do plan de axuste pasa polo ERE ou, como o chama ECI, o plan de baixas incentivadas, cuxa negociación cos sindicatos aínda non empezou. O que si comezó é a negociación do convenio do sector de grandes almacéns, que se aplica a El Corte Inglés e a outros xigantes da distribución como Carrefour, Ikea ou Leroy Merlin, todos membros da patronal AGNEG.

A intención inicial de AGNED era conxelar os soldos durante catro anos, duración do novo convenio. Segundo informa a Confederación Sindical Independente Fetico, "a patronal comeza a ceder" despois de o non "de forma unánime" de todos os sindicatos (Fetico, CCOO, UXT, Fasga, CIG, LAB e ELA) á conxelación salarial. 

Os sindicatos propoñen un convenio curto de transición, como moito de dous anos, e unhas subidas de salarios con incrementos fixos máis variables.   “Este convenio debe ser curto, de poucos cambios e de crecemento económico”, di o secretario xeral de Fetico, Antonio Pérez.

ECI parece estar de acordo na proposta de reducir a duración do convenio a dous anos, segundo A Confidencial Dixital. De feito, fontes da dirección citadas por ese medio aseguran que mesmo están dispostos a mellorar as condicións que se acorden no convenio sectorial.

Máis difícil antóllase, en teoría, o acordo para evitar que os miles de despedimentos pasen por un ERE. Hai que lembrar que a lexislación obriga a lanzar un ERE cando se despidan a máis de 30 empregados de compañías do tamaño de ECI e a firma quere desfacerse de 3.000, polo que necesitaría que 2.701 marchásense motu propio, grazas a incentivos aínda por negociar.