O brote de coronavirus na residencia de Xinzo, que cancela as visitas, mantense en sete afectados

Pese ao brote detectado no centro o que os usuarios xa recibiran as dúas doses da vacina, os 22 empregados e as persoas que visitaran as instalacións non deron positivo. 

O brote confirmouse tras constatarse síntomas nunha persoa do centro hospitalizada, tras o que se fixo un cribado entre todos os 52 residentes e os 22 traballadores deste centro.

Residencia de Xinzo | Foto: Google Maps

A Residencia Santa Mariña de Xinzo de Limia (Ourense) mantén suspendidas as visitas en aplicación do protocolo Covid-19 tras un brote detectado con sete positivos entre os usuarios, dos cales unha persoa está hospitalizada e seis illadas no centro, que xa recibiran as dúas doses da vacina fronte a este coronavirus.

Así o confirmaron a Europa Press fontes da Consellería de Política Social, despois de transcender este mércores estes sete positivos na Residencia Santa Mariña de Xinzo, que entrou na lista de centros con casos de Covid --un total de sete residencias con contagios ata a data en Galicia--.

As mesmas fontes explicaron que, tras detectarse unha persoa residente con síntomas Covid, levou a cabo un cribado entre os 52 usuarios e 22 traballadores desta residencia de Xinzo, que se saldou con sete positivos entre os maiores.

O brote confirmouse tras constatarse síntomas nunha persoa do centro hospitalizada, tras o que se fixo un cribado entre todos os residentes e os 22 traballadores deste centro, nos que se obtiveron seis positivos entre maiores asintomáticos, ademais da persoa hospitalizada.

VISITAS E TRABALLADORES DAN NEGATIVO

Iso motivou, ademais do illamento destas seis persoas, a corentena doutro residentes --catro-- que tiveron contacto con estes, sinalaron as mesmas fontes, que incidiron en que "toda a xente que foi de visita" recentemente a esta residencia deu negativo.

Por iso, unha vez que se constatou que os traballadores deron negativo no cribado, así como as visitas e o resto de usuarios, por parte de expertos de Medicina Preventiva e Epidemiología estudan este caso "a fondo" para aclarar a orixe do brote entre residentes xa vacinados coas dúas doses fronte á Covid-19.