A pandemia avanza na Coruña e Ferrol, áreas "tensionadas" segundo a Xunta, que descarta os hospitais de campaña

|

A pesar da delicada situación epidemiolóxica que atravesa hoxe a comunidade galega, Sanidade descarta, de momento, a utilización dos hospitais de campaña. 


As áreas da Coruña e Ferrol son as que viven un momento máis complicado, pero a Xunta aínda ve marxe de manobra para asumir novos ingresos. A pesar de todo, xa se produciron os primeiros traslados de pacientes de UCI de Ferrol a Lugo


Jorge Aboal, durante a comisión.

Jorge Aboal 


A Consellería de Sanidade recoñece que as áreas sanitarias da Coruña e Ferrol son agora mesmo as "máis tensionadas" a nivel asistencial pola covid-19, aínda que considera que o sistema sanitario galego, que funciona como unha "planta única", aínda ten capacidade para asumilo, e descarta, polo momento, a utilización dos hospitais de campaña incluídos no plan de continxencia.


Así o explicou, a preguntas dos medios, o director xeral de Asistencia Sanitaria, Jorge Aboal, que recoñeceu que existe "preocupación" pola evolución asistencial da terceira onda da pandemia.


En concreto, como xa ocorre desde hai días, A Coruña e Ferrol son "las áreas sanitarias que están máis tensionadas desde o punto de vista asistencial", aínda que esta presión non se deixa notar en urxencias, se non na cifra de pacientes ingresados con respecto á súa capacidade.

En concreto, segundo os datos da web do Sergas, a área da Coruña ten 194 pacientes ingresados, dos que 31 están en UCI, e a de Ferrol rexistra, 100, 11 en coidados intensivos. De feito, a presión na UCI obrigou a trasladar este domingo algúns pacientes de coidados intensivos desde Ferrol a Lugo, e hanse reprogramado intervencións non urxentes nas dúas áreas, así como en Santiago.


"A situación está a ser monitorada de forma continua e as áreas sanitarias están a levar a cabo os plans de continxencia que se describiron relacionados coa posible previsión dunha onda", dixo Jorge Aboal que, con todo, destacou a "sorte" de que, ao contrario do previsto, a gripe aínda non fixo aparición en Galicia, co que a "demanda de cadros respiratorios" baséase, sobre todo, en pacientes covid.


HOSPITAIS DE CAMPAÑA

Preguntado acerca da posibilidade de utilizar hospitais de campaña, Aboal a explicado que están incluídos en "a fase catro do plan de continxencia", polo que "haberá que superar aínda a segunda e a terceira" para chegar a este escenario.

A posibilidade de instalar estes centros "está na cabeza" e incluída nos plans de continxencia xa desde a primeira onda, "pero ao seu debido tempo". "Esa planificación segue aí, están dispoñibles, e cando cheguemos á fase tres haberá que empezar a pensar na fase catro", explicou.

Con todo, na situación actual, dixo Aboal, o Sergas "ten unha gran capacidade de asumir" pacientes, dado que actúa como "planta única", isto é, suplindo as necesidades dunha área coa dispoñibilidade doutra. "Estamos continuamente en contacto co comité de expertos para non chegar nin sequera a unha terceira fase", resolveu.

Finalmente, sobre a cepa británica, Aboal asegurou que os casos detectados en Galicia "non chegan a unha ducia" e enviou unha mensaxe de tranquilidade á poboación lembrando que "a prevención da transmisión é a mesma", o "diagnóstico é o mesmo" e "o tratamento é o mesmo". A maiores, destacou que é igualmente sensible á vacina.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress