Un complexo operativo de Gardacostas rescata a un home que se precipitou desde un cantil en Nigrán

No rescate participou un helicóptero do Servizo de Gardacostas, que trasladou ao home accidentado ao Álvaro Cunqueiro.

Foi a propia vítima a que alertou da súa situación nun punto onde os labores de rescate eran imposibles tanto por terra como por mar.

Rescate dos Gardacostas | Foto: @GardacostasGal

Un helicóptero de o Servizo de Gardacostas rescatou este domingo a un home que caeu por un cantil en Nigrán, segundo informou o CIAE 112 Galicia.

A propia vítima foi quen chamou ao 112 para pedir axuda tras precipitarse por unhas pedras á altura da rúa de Lourido Beiramara, na Ramallosa.

Na chamada indicaba que se atopaba ferido e nunha zona de difícil acceso. Unha vez no lugar, os efectivos de emerxencias comprobaron que a persoa estaba nun punto que facía imposible o rescate tanto por terra como por mar.

Por este motivo, solicitaron a colaboración do persoal de Salvamento Marítimo e do Servizo de Gardacostas de Galicia. Foron estes últimos quen enviou o helicóptero Pesca 1, que procedeu ao rescate da vícitima e a súa evacuación ao hospital Álvaro Cunqueiro de Vigo.