Pedro Sánchez en corentena tras o positivo de coronavirus de Macron, con quen comeu o luns

Sánchez e Macron compartiron varios actos hai tres días, incluído un xantar oficial, no que se supón quitáronse as máscaras. O presidente español está pendente do resultado dunha PCR tras a noticia do positivo do o seu homólogo galo.

O presidente do Goberno, Pedro Sánchez, suspendeu toda a súa actividade programada para os próximos días e fará unha corentena de dez días, ata o 24 de decembro, tras coñecerse que o presidente francés, Emmanuel Macron, co que estivo o luns, deu positivo en COVID-19.

Moncloa informou tamén de que o xefe do Executivo someterase a unha proba diagnóstica de inmediato para saber a súa situación e decidir, en función dos resultados, sobre a súa axenda dos próximos días.

Macron recibindo a Sánchez en París o luns

Hai que lembrar que o presidente do Goberno, Pedro Sánchez, xantou no Palacio do Elíseo co presidente da República Francesa, Emmanuel Macron. 

Con anterioridade, participaron os dous na cerimonia de apertura da conmemoración do 60 aniversario da firma da Convención da OCDE xunto co secretario xeral da Organización, Anxo Gurría, segundo a axenda oficial de Moncloa.