​Gómez Noya “pica” en Daytona por un problema muscular sobre a bici


|

O triatleta galego non puido estar entre os dez primeiros na proba norteamericana, onde chegou a estar no grupo de cabeza.



Gomeznoyaironman



Un undécimo posto no Challenge de Daytona sería unha posición máis que satisfactoria para calquera triatleta, pero non se falamos de Javier Gómez Noya, lenda viva do atletismo e un dos nomes chamados a loitar polas medallas en Tokio se finalmente este ano pódense celebrar os Xogos Olímpicos.


O ferrolán competiu esta semana na proba estadounidense, na que estivo cómodo durante gran parte do percorrido e na que mesmo chegou a postularse como un dos candidatos para ocupar algún dos caixóns do podio. Con todo, no segmento de bici, o galego sufriu unha desafortunada lesión nos glúteos que lle fixo perder uns minutos de ouro na súa pelexa por optar a postos máis altos.


Foi cando restaban 30 quilómetros –son 80km de bici- que o ferrolán notou os problemas, aínda que puido recuperar e escalar postos na carreira a pé, o seu punto forte. Con todo, este último segmento fíxoo “amodo e medio collo” nos seus primeiros quilómetros, tal e como revelou en redes sociais. A pesar disto, a medida que avanzou a carreira as súas sensacións melloraron e puido terminar a proba tras percorrer 18 km a pé.


Non estou satisfeito; non estiven o suficientemente forte en bicicleta. A traballar para mellorar certas cousas”, manifestou Gómez Noya, que espera regresar “máis forte” en 2021. 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE