A colisión dun vehículo contra outro que estaba aparcado deixa un falecido en Carballo

O accidente ocorreu a última hora da tarde en Carballo e aínda se investigan as causas do sinistro. 

O falecido quedró atrapado nun dos vehículos accidentados, polo que se necitó a actuación dos bombeiros para a súa excarceración.

Unha persoa morreu a tarde deste venres ao chocar o seu turismo contra outro vehículo que estaba estacionado nas proximidades de Rus, parroquia do municipio de Carballo (A Coruña).

O accidente tivo lugar sobre as 20.06 horas na estrada DP-1914 que une Carballo con Santiago, segundo indicaron a Europa Press fontes policiais.

Por causas que están a ser investigadas, un turismo encaixouse contra outro que estaba estacionado. Como consecuencia do forte impacto, unha persoa perdeu a vida, segundo informou o 112 Galicia.

Ao lugar acudiron efectivos dos Bombeiros de Carballo, que tiveron que excarcerar á vítima, que quedara atrapada no interior do vehículo.

Igualmente, interviñeron efectivos sanitarios, axentes da Policía Local, persoal de Protección Civil de Carballo e axentes da Garda Civil de Tráfico, que se fixeron cargo do atestado do accidente.