Explosión nun barco que leva ardendo (vídeos) toda a mañá no peirao de Bouzas do Porto de Vigo

|

O incendio do Baffin Bay empezou ás 8:45 e son case as 14 horas e segue ardendo. A prensa local fala dunha "forte explosión" ao longo da mañá. 


Barco ardendo en Bouzas no Porto de Vigo




Os bombeiros de Vigo, en coordinación con Policía Local, Nacional e Portuaria, traballan na extinción dun incendio declarado nun buque conxelador que se atopa amarrado no Porto de Bouzas, na cidade olívica, e que provocou unha importante fumareda, aínda que sen que se rexistraron danos persoais.

A alerta activouse sobre as 8,45 horas da mañá deste xoves, cando os servizos de emerxencia recibiron o aviso de que estaba a arder un barco na terminal de Bouzas.


 



 

Trátase dun buque conxelador con bandeira británica, o 'Baffin Bay', que pertence á armadora viguesa Grupo Copemar, e no que se estaban realizando labores de mantemento. De feito, os servizos de emerxencia sospeitan que o lume puido iniciarse na adega do barco, onde se estaban facendo traballos de soldadura.









 

Os tres tripulantes que estaban no conxelador atópanse ben, e non habido que lamentar danos persoais, aínda que o incendio provocou unha densa columna de fume, e os bombeiros seguen na zona, apoiados por remolcadores.

Segundo informou a Policía Local, os bombeiros tiveron que traballar inicialmente arrefriando o casco da nave desde o exterior, ante a imposibilidade de acceder ao barco pola gran cantidade de fume xerado.








Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress