Brote na residencia de Gondomar: 65 positivos máis elevan os casos a 89 residentes afectados e 16 traballadores

A Xunta de Galicia confirmou a última hora da tarde do mércores un brote na residencia de Vila do Conde, en Gondomar, unha noticia que xa adiantou Galiciapress ese mesmo día pola mañá durante a súa análise diaria das cifras de casos de COVID-19.

O brote, que provocou un importante salto nas cifras de casos activos na área de Vigo, afecta xa a 89 residentes e 16 empregados do centro, segundo os datos proporcionados por Política Social. 

O brote de coronavirus detectado na residencia de maiores Vila do Conde, da localidade pontevedresa de Gondomar, afecta xa a 89 usuarios e a 16 traballadores, segundo confirmaron a Europa Press fontes da Consellería de Política Social.

Nesta residencia pontevedresa detectáronse xa 22 casos de coronavirus entre os seus residentes, así como un empregado afectado, segundo figuraba no parte deste mércores, con datos recolleitos ata o martes.

Con todo, as probas realizadas ao resto de usuarios e traballadores con motivo destes contagios detectaron que a magnitude do brote é maior. En concreto, atópanse afectados 89 anciáns e 16 empregados.