Cantos positivos ten o meu concello? E o seu nivel de risco de coronavirus? Novo mapa de incidencia municipal
Galiciapress publica desde hoxe un mapa para seguir o impacto do coronavirus en todos os concellos do país. O mapa actualizarase a diario coas cifras oficiais do SERGAS.
Galiciapress publica desde hoxe un mapa para seguir o impacto do coronavirus en todos os concellos do país. O mapa actualizarase a diario coas cifras oficiais do SERGAS.
Ademais do mapa municipal seguiremos analizando a diario as tendencias a nivel galego e por áreas sanitarias.
No mapa, hai dous indicadores, ambos en base ás cifras dos últimos 14 días de cada municipio:
- Número total de positivos
- Incidencia acumulada, é dicir, a proporción de positivos por cada 100.000 habitantes
O número de positivos exprésase nunha cifra ao pasar o cursor sobre o mapa.
A incidencia acumulada exprésase en cores. Estas cores corresponden cos niveis de risco de o semáforo de alertas pactado polo Ministerio de Sanidade e as autonomías.
EXPLICACIÓN DOS NIVEIS DE ALERTA
Así, por exemplo, se pasamos o cursor sobre a área de Santiago vemos que o SERGAS detectou 143 positivos alí nas últimas dúas semanas. Dado que Compostela ten menos de 95.000 tarxetas sanitarias, a súa incidencia acumulada resulta un pouco superior a 150.
A esta incidencia acumulada de máis de 150 a 14 días correspóndelle a cor laranxa, que representa o "risco alto" no semáforo.
Nivel que é mellor que o "risco extremo" do veciño Oroso a pesar de que só sumou 25 positivos en dúas semanas, dado que Oroso ten moitos menos habitantes -e por tanto moitas menos tarxetas sanitarias- que Santiago.
Hai que ter en conta que este mapa publícase cos cifras enviadas pola mañá polo SERGAS. Agora ben, son números que a Xunta recompila o día anterior ata as 18 horas. Por iso o mapa ofrece unha imaxe das alertas epidemiolóxicas con polo menos un día de atraso.
Con todo, ao depender os niveis de alertas dos positivos de dúas semanas, e non só de certa xornada, non debese haber moito baile diario de niveis.
CALES SON As COMARCAS CON MÁIS INCIDENCIA?
En liñas xerais o mapa corrobora o que xa sabiamos por outras fontes. A peor situación está nas comarcas de Bergantiños e A Costa da Morte na Coruña; Vigo, Baixo Miño, Arousa e Pontevedra na provincia pontevedresa e Lugo e os seus municipios limítrofes na lucense.
Ourense é a provincia con menos incidencia, aínda que conserva concellos no máximo nivel de risco, como varios da zona de Valdeorras e da Raia Seca.
De todas as cidades de Galicia, só Ourense, Santiago e A Coruña non están en "risco extremo", só en "risco alto".
Escribe o teu comentario