José Ramón Pérez Nieto, presidente executivo do Grupo Pérez Rumbao, falece en Ourense
Levaba oitos anos á fronte do concesionario familiar ourensán. Será enterrado mañá na capital provincial.
Levaba oitos anos á fronte do concesionario familiar ourensán. Será enterrado mañá na capital provincial.
O empresario José Ramón Pérez Nieto, presidente executivo do Grupo Pérez Rumbado --dedicado á automoción--, faleceu o pasado luns.
Nun comunicado, o Foro Económico de Galicia mostra o seu "profundo pesar" polo falecemento de José Ramón Pérez Nieto, que era membro desta entidade.
"É unha enorme perda para unha das empresas familiares con maior recoñecemento de Galicia. Asumiu a presidencia do Grupo Pérez Rumbao fai oito anos e desde entón dirixiu con eficacia unha compañía que soubo proxectarse desde a súa Ourense natal a toda Galicia converténdose nun referente do sector da automoción", valora.
Así mesmo, mostra o seu pésame a toda a familia, en particular ao seu irmán e presidente do Foro Económico, Emilio Pérez Nieto.
"José Ramón Pérez Nieto gozaba do respecto e agarimo de todos os integrantes da nosa entidade como un empresario comprometido coa súa terra e o seu desenvolvemento económico e social", destaca o Foro.
Escribe o teu comentario