A Xunta pecha perímetros e clausura a hostalería durante un mes en 60 concellos, todas as cidades incluídas

A pesar de os indicios de melloría, Feijóo se cura en saúde e ampla notablemente as restricións nas comarcas máis urbanas.

Galicia anunciou que se amplían as restricións a 60 concellos galegos --nas que se inclúen as sete cidades e outros 53 municipios--, que supón un "60 por cento da poboación galega", co confinamento perimetral deses municipios, o peche da hostalería e a limitación do deporte á práctica individual.

Os concellos afectados organízanse en grupos sete metropolitanos, entre os que si se podra viaxar:

- A Coruña, Arteixo, Culleredo, Cambre e Oleiros

- Lugo

- Santiago, Ames, Boqueixón, Oroso, O Pino, Teo, Trazo, Val do Dubra e Vedra

- Ferrol, Ares, Fene, Neda, Narón e Mugardos

- Ourense, Barbadás, Amoeiro, Coles, Pereiro de Aguiar, San Cibrao das Viñas e Toén

-Pontevedra, Vilaboa, Pontecaldelas, Poio, Marín, Barro, Campolameiro, Cerdedo-Cotobade e Soutomaior

- Vigo, Mos, Nigrán, Gondomar, Porriño e Redondela

Ademais, outra serie de municipios aplícanse as mesmas limitacións, sen poder saír a ningún concello lindeiro: Vimianzo, Monforte, Burela, Viveiro, O Carballiño, Verín, Xinzo, Cangas, A Estrada, Lalín, Silleda, Ponteareas, Tui, Cambados, O Grove, Vilanova de Arousa e Vilagarcía

Na práctica, isto supón un aumento de mobilidade para os núcleos urbanos. Os habitantes das cidades ata o de agora non podían saír do seu concello (salvo para traballar, estudar e outras razóns de forza maior) e agora poden desprazarse a algúns lindeiros.

Así o anunciou o presidente da Xunta, Alberto Núñez Feijóo, nunha comparecencia ante os medios para informar das medidas acordadas no comité clínico, que se volveu a reunir na mañá deste mércores despois de que na sesión da tarde noite deste martes decidise manter en vigor as restricións vixentes en Galicia para conter os contagios por Covid-19, incluído o confinamento perimetral das sete grandes cidades.

ARGUMENTOS DE FEIJÓO
"Toca ampliar as restricións pola saúde e pola economía", afirmou Feijóo, quen defendeu que "canto máis se tarde en actuar máis longa será a contención".

O líder do PPdeG reclama a "axuda" de "todos" os cidadáns para "salvar a campaña de Nadal" e poder reabrir en decembro tras decretar o peche da hostalería desde este venres, 6 de novembro, sector para o que avanzou que se aprobarán axudas este xoves no Consello.

AXUDAS HOSTALERÍA
"Imos axudarlles", subliñou Feijóo nunha comparecencia ante os medios para informar das medidas acordadas no comité clínico, que se volveu a reunir na mañá deste mércores, e que acordou o peche da hostalería, confinamento perimetral e redución de aforos no sector da cultura durante un mes.

"Oxalá entre todos consigamos salvar a campaña de Nadal", afirmou, para recalcar que "a hostalería e o lecer non son transmisores de virus, o son as persoas". 

PRAZOS
Segundo puntualizou entrarán en vigor este venres ás 15,00 horas e terán vixencia dun mes, pero avaliaranse "constantemente". Preguntado sobre a vixencia, o titular do Goberno galego, puntualizou que "en principio vén para quedar un mes".

É dicir, se todo sae ben, poderían relaxarse a tempo de salvar a campaña do Nadal. Iso si, poida que se aliven antes se a situación mellora notablemente.

O mandatario indicou que a Xunta tomará en consideración aliviar as restricións a partir de 200 casos por acada 100.000 habitantes en 14 días. Agora mesmo Galicia anda polos 317.