Brote de coronavirus en Larsa? A empresa négao tras a aparición de varios traballadores positivos

Corporación Alimentaria Peñasanta (CAPSA), grupo de empresas ao que pertence Larsa, negou este martes a existencia dun brote de coronavirus na factoría láctea de Vilagarcía de Arousa, tal e como apuntaban fontes sanitarias.

|

Fontes do SERGAS citadas pola prensa local falan dun brote con tres positivos na fábrica de Vilagarcía, dúas da mesma familia e din que haberá un cribado a todo o persoal. A compañía puntualiza estes datos e di que non ten noticia de ningún cribado.


Fabrica de Larsa en Vilagarcu00eda nunha imaxe de Google Street View


Fabrica de Larsa en Vilagarcía nunha imaxe de Google Street View  


Corporación Alimentaria Peñasanta (CAPSA), grupo de empresas ao que pertence Larsa, negou este martes a existencia dun brote de coronavirus na factoría láctea de Vilagarcía de Arousa, tal e como apuntaban fontes sanitarias.


UN ALTA E UN CASO ANTIGO

Segundo informou Capsa a Europa Press, nas últimas semanas detectáronse dous casos de traballadores da factoría arousá de Larsa que deron positivo en covid-19. "Un deles mesmo xa recibiu a alta médica e está a piques de reincorporarse ao traballo, polo que non se pode falar dun brote", sinalan.

Así mesmo, a empresa atribúe o caso dun terceiro contaxio, do que este luns facíase eco o Sergas, "a un traballador que deu positivo hai varias semanas e que xa está totalmente recuperado".


Hai que lembrar que o SERGAS declara un brote cando hai relación entre tres ou máis casos. A clave está, por tanto, en saber se eses tres positivos teñen vínculo e se o contaxio puido ser na contorna laboral.


SÓ DEZ PCR, SEGUNDO A EMPRESA

Ademais, Capsa asegura non ter constancia de que estea previsto facer test PCR a todos os traballadores do persoal de Larsa en Vilagarcía. Segundo informa a empresa, realizáronse dez test aos contactos directos dos dous traballadores afectados e todos eles deron resultados negativo.

Desde a firma láctea afirman que a fábrica de Larsa de Vilagarcía opera con total normalidade, extremando os protocolos de seguridade, desinfección e hixiene para evitar calquera posibilidade contaxio, tanto interno como chegado desde o exterior.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE