Avanzan as negociacións entre PSOE e PP para unha moción de censura e un novo goberno no Concello de Ourense

|

Certo optimismo nas filas do PSOE ourensán sobre un posible acordo co PP. As negociacións para derrubar a Gonzalo Pérez Jácome da alcaldía progresan, iso si, entre bambalinas, segundo fontes dos socialistas consultadas por Galiciapress.


O PSdeG fixo oficial as negociacións esta fin de semana. A súa Executiva Provincial e a súa Agrupación Local aprobaron as negociacións. Desde o venres o diálogo conta ademais co visto e prace da dirección galega de Gonzalo Caballero.


Reuniu00f3n da Executiva Nacional do PSdeG este venres

Comisión Executiva Nacional Galega  do PSOE este venres



ROLDA DE CONVERSACIÓNS

Esta semana está previsto unha escenificación desas conversacións. Os socialistas adiantan que convocarán a Partido Popular, Democracia Ourensá, Cidadáns e  Bloque Nacionalista Galego para “conseguir unha solución óptima con moita brevidade".


Claro que de todos eses potenciais socios a único clave é o PP. Nin sequera sumando a todos os críticos de Democracia Ourensá, o PSOE lograría suficientes firmas para a moción de censura.


A lóxica indica que o PSOE debe ofrecer algo tanxible ao PP para convencelos de levantar a un socialista á alcaldía. O que está claro é que os socialistas non transixirán con outro candidato que non sexa o seu líder, Rodríguez Villarino, que por algo foi o máis votado nas eleccións locais.


Se non lle ofrecen a alcaldía, nin repartirse o cargo no que queda de lexislatura, que pode ofrecerlle o PSdeG aos conservadores?  Estaría interesado o PP en asumir un papel secundario nun goberno de coalición? Esta son algunhas das preguntas para responder esta semana, que se antolla clave para desatascar a situación, aínda que a moción de censura preséntese máis adiante.


MOCIÓN DE CENSURA EN PLENA ONDA DO CORONAVIRUS?

A ninguén se lle escapa o delicadísimo momento que vive a cidade. O propio Gonzalo Pérez Jácome recoñeceu onte que está "ao bordo" do confinamento, aínda que a Xunta négao. As pésimas cifras de hoxe achegan máis a posibilidade dun illamento perimetral. 


Unha crise de gran magnitude que a urbe afronta cun goberno formado por só tres edís do que queda de Democracia Ourensá. Ante isto, ños socialistas aspiran a “devolver a cidade á normalidade" mediante o "maior consenso posible".


Está por ver se o PP e, sobre todo, o baltarismo está disposto en participar en tal consenso, pois é pública a inimizade entre Xosé Manuel Baltar e Rodríguez Villarino.  En todo caso, aínda era máis forte a rivalidade con Jácome e iso non impediu que o PP de Ourense pactase con el a cambio, iso si, de certa cota de poder municipal.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress