Protesta contra a deturpación do topónimo 'A Toxa' no 'Foro A Toja'

Unha representación da Mesa pola Normalización Lingüística protagonizou unha protesta na entreda da ponte da Illa en respulsa pola deturpación do topónimo de 'A Toxa' durante o foro político económico celebrado na zona durante esta fin de semana.

A responsable da asociación en Pontevedra-O Salnés, Sabela Bará, censurou o "insulto" que supón que destacado dirixentes políticos como o presidente do Goberno, Pedro Sánchez, o da Xunta, Alberto Núñez Feijóo, subscriban e participen e un evento que fai ostentación do desprezo aos nomes de lugares de Galicia e que "incumpre a lexislación" que sinala que "a única forma oficial e lexitímaa" é a galega.

"É vergoñoso que 34 anos despois da aprobación da Lei que recoñece a oficialidade única dos topónimos galegos aínda teñamos que mobilizarnos para reclamar o seu cumprimento, pero aínda dá máis vergoña que os responsables políticos que deben garantir un mínimo pola dignidade de Galicia participen disto", insistiu.