Desaparecida unha menor de idade desde o pasado venres en Allariz

Garda Civil, Policía Nacional e SOS Desaparecidos pediron colaboración para localizar a unha moza de 16 anos desaparecida desde o pasado venres en Allariz (Ourense).

Segundo apuntan, a nova desaparecida é Iria das Neves Shuibat Pita e foi vista por última vez nesta localidade ourensá o pasado 18 de setembro.

A desaparecida mide 1,50 metros de estatura, ten os ollos marróns, o pelo castaño e é de complexión corpulenta. As forzas de seguridade pediron a calquera persoa que a haxa visto que chame ao 062 ou ao 112, así como aos teléfonos 642 650 775 e 649 952 957.