Dous lucenses enfróntanse a multas de ata 15.000 euros por saltarse a corentena sabéndose positivos
Efectivos da Unidade Territorial de Policía de Barrio de Lugo detectaron a dúas persoas que incumprían a corentena a pesar de dar positiva polo coronavirus Covid-19.
A situación epidemiolóxica está a mellorar, lentamente, en Lugo. Non é grazas a algúns cidadáns que ignoran as recomendacións máis básicas. Sorte que a Policía Local de Lugo localizou, polo menos, a dous.
Imaxe da CRTVG dunha pasada intervención da Policía Local de Lugo
Segundo informou a Policía Local de Lugo nun comunicado de prensa, estas dúas persoas foron interceptadas na tarde do pasado venres 18 de setembro.
Por iso, tramitaron acta de infracción á Lei de Saúde de Galicia, que establece multas de 3.005,07 a 15.025,30 euros, "segundo sexa considerada a conduta no seu grao mínimo ou máximo", polo que se ordenou o illamento no seu domicilio.
Escribe o teu comentario