O alcalde de Ortigueira pide axuda aos veciños para controlar un brote con catorce positivos

|

O alcalde de Ortigueira (A Coruña), Juan Penabad Muras, demandou colaboración aos veciños da localidade, onde, segundo a información que manexa, existe un brote con 14 positivos, o máis importante rexistrado no municipio desde que empezou a pandemia.


Probas de COVID-19 en Burela (Lugo).



Nun comunicado, o rexedor trasladou que se están realizando probas á contorna social e familiar de cada persoa que foi diagnosticada como positivo en covid-19, segundo determinan os protocolos.


Ao tempo, pediu que calquera que estivese en contacto cun positivo "quede en casa" e, no caso de ter síntomas, que chame ao centro de saúde, onde se valorará a realización da correspondente proba. O máis importante, insiste, "é non acudir persoalmente".

O alcalde puxo o Concello ao dispor dos responsables sanitarios e das persoas afectadas para axudar no confinamento. Así, habilítanse dous números de teléfono para as persoas que precisen facer compras de alimentos, retirar lixo ou outras necesidades durante as 24 horas.

De día estará en servizo o 604.002.167, e de noite o 603.473.044. A partir do luns habilitarase un segundo teléfono para o horario de día.

Muras pediu a veciños e visitantes que "sexan responsables" para "manter a situación baixo control" e que "non sexa necesario" dar "pasos atrás e adoptar medidas máis drásticas".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress