Casos positivos obrigan a pechar unha escola unitaria en Dodro e a illar a 13 nenos dunha gardería de Santiago

Dous novos positivos rexistrados nun centro de Dodro e nunha escola infantil municipal de Santiago obrigaron a aplicar o protocolo ante a COVID-19.

O primeiro caso refírese a un positivo detectado nun dos escolares, polo que se pechou a escola unitaria do municipio e púxose en illamento aos seus compañeiros. O centro imparte 4º, 5º e 6º de infantil e conta con 15 nenos matriculados.

Doutra banda, unha nena deu positivo na escola municipal de infantil de Salgueiriños, sobre as 12 do mediodía deste martes. A situación afecta a uns 13 nenos e seis educadoras que foron contactos estreitos da menor.