Novo brote de coronavirus en Barbadás e aumentan outros focos ourensáns, incluído un na cidade que suma 16 positivos

Non pasa día sen que o SERGAS non descubra máis brotes na provincia de Ourense. Hoxe tócalle a Barbadás, concello da periferia urbana, que é a zona máis castigada.

O estudo das vinculacións e o seguimento de distintos casos illados, así como dun dos brotes de COVID-19 detectados nos pasados días na cidade de Ourense, permitiron establecer a existencia dun único foco con 16 persoas afectadas, dúas delas ingresadas no hospital.

Concello de Barbadás

En concreto, segundo confirmaron fontes sanitarias, os afectados por este brote son nove homes --de 88, 84, 79, 72, 51, 49 e 46 anos, así como dous de 37 anos-- e cinco mulleres --de 77, 65, 42, 43 e 67 anos--, ademais de dous menores.

Por outra banda, as autoridades sanitarias han identificado outro brote de COVID-19 no municipio ourensán de Barbadás, que afecta a catro casos: tres mulleres --dúas de 55 anos e unha de 94-- e un home, de 56 anos.

ACTUALIZACIÓN DOUTROS BROTES
Noutra orde de cousas, o brote activo no Carballiño con orixe nun encontro de amigos ascende a 15 casos, co diagnóstico nas últimas horas de tres positivos máis: un home de 25 anos, unha muller de 82 e un menor.

Do mesmo xeito,  hai  dous novos positivos --dous homes de 62 e 38 anos-- relacionados co foco de Mariñamansa, co que o total ascende a 26 afectados.

O brote familiar de Riós, que tamén implica ao Concello de Castrelo do Val, suma un positivo --home de 47 anos-- e queda en cinco casos; mentres que o de Avión suma dous positivos --unha muller de 79 anos e un menor-- e sitúase en nove. Finalmente, o foco detectado tras unha reunión familiar en Verín suma un menor con positivo por COVID-19, polo que xa son sete casos.