O alcalde de Santiago Sánchez Bugallo pide especial precaución ao quedar cos amigos tras as vacacións

Santiago é un un dos municipios afectados polas novas restricións impostas hoxe  pola Xunta. En xeral, os alcaldes afectados aceptan sen rechistar as medidas aínda que hai algúns, como o de Carballo que se queixa de falta de transparencia. 

Alcaldes dos novos municipios con restricións sanitarias para frear os contagios de COVID-19 -- Santiago de Compostela, Ourense, Santa Comba, Carballo e A Laracha -- apelaron á colaboración cidadá e á prudencia.

Mentres os municipios da comarca da Coruña nas que deixan de aplicarse, Abegondo, Bergondo, Carral e Sada, pediron "cautela" á cidadanía, aínda que subliñan que "os esforzos están a dar os seus froitos".

En Ourense, consultados por Europa Press, evitaron facer unha valoración. 

VALORACIÓN DO ALCADE DE SANTIAGO

Outros rexedores, como o alcalde de Santiago de Compostela, Xosé Sánchez Bugallo, instaron a "todos" a respectar as normas "e a colaborar coa administración pública" para garantir as medidas sanitarias.

O rexedor compostelán ha querido tamén trasladar unha mensaxe de "tranquilidade", aínda que admitiu a existencia de "algún problema" nesta cidade, que vinculou con persoas "que volven de vacacións ou que desenvolven actividades en Santiago".

"Algo previsible co que xa contabamos", engadiu. Tamén pediu cumprir as normas non só no posto de traballo ou ao facer deporte, senón tamén "ao saír á rúa" ou ao quedar "cos amigos".

"TRANSPARENCIA" NOS DATOS
Pola súa banda, o alcalde de Carballo, Evencio Ferrero, apelou ao cumprimento das medidas sanitarias e solicitou a "colaboración" da cidadanía. "A xente é bastante respectuosa", dixo, con todo, e tras ratificar que neste municipio intensificáronse os controis.

O rexedor aproveitou tamén para pedir "transparencia" lamentando, segundo expuxo, que non se lle facilitasen os datos requiridos "para coñecer a evolución na localidade", dixo sobre a incidencia do coronavirus.

SEN A FEIRA HABITUAL EN PAIOSACO
O alcalde de Laracha, José Manuel López, asegurou que as restricións afectarán á feira de Paiosaco, que estará destinada "só a produtos de alimentación e do campo", así como as festas da Milagrosa de Caión, no que se refire ás limitacións impostas para a celebración das misas ou á organización de actos lúdicos. "O que queremos é que as medidas eviten máis contagios", engadiu.

"CAUTELA" NA CORUÑA
No caso dos municipios da comarca da Coruña onde se levantaron as restricións mostran cautela. "Isto non terminou", advirte o rexedor de Sada, Benito Portela. Por iso, apela á "responsabilidade individual para frear a transmisión" do virus. "Hai que impedir que se produza un aumento", insistiu a Europa Press.

Desde Bergondo, a súa alcaldesa, Alejandra Pérez, mostra a súa satisfacción pola evolución neste municipio. "Aínda así temos que seguir tendo moita cautela porque, ademais, agora haberá incorporacións aos traballos e o alumnado volverá ás aulas", engade. Por iso, incide no uso de elementos como a máscara e pide "non relaxarse".

O alcalde de Carral, Javier Gestal, remarca que o feito de que se levanten as restricións supón que neste municipio "os cidadáns están a cumprir as medidas restritivas". "Pero hai que seguir mantendo a alerta para que a tendencia positiva continúe", recalca.

O seu homólogo de Abegondo, José Antonio Santiso, ve "positiva" a decisión da Xunta ao considerar que as medidas serviron "para mitigar na medida do posible o avance do COVID", aínda que recalca, como os demais, a importancia de non baixar a garda.