As praias de Orzán e Riazor quedarán sen socorristas a partir de venres pola folga do servizo de socorrismo
O comité de empresa do servizo de Salvamento e Socorrismo dos areais da Coruña retomará o venres a folga indefinida por negarse a empresa, segundo explican, a pagar as horas extra. A folga suspendérana con anterioridade para facilitar as negociacións, explican nun comunicado.
O comité de empresa do servizo de Salvamento e Socorrismo dos areais da Coruña retomará o venres a folga indefinida por negarse a empresa, segundo explican, a pagar as horas extra. A folga suspendérana con anterioridade para facilitar as negociacións, explican nun comunicado.
Ante a "ausencia" de avances, "xa que a empresa recoñece que deben as horas extra que están a facer para poder levar a cabo o servizo requirido polo concello", afirman que optaron por convocar de novo a folga.
Respecto diso, aseguran que a súa reclamación obedece á realización de máis horas das recollidas en convenio e respecto das que, aseguran, chegaran "a un acordo ao comezo da tempada de verán que a empresa rompeu de forma unilateral".
Por iso, afirman que retoman a folga indefinida a partir do venres á espera de que o concello, co que teñen concertada unha reunión para o xoves, "medie e resolva o conflito".
Escribe o teu comentario