Un positivo en Domusvi Matogrande na Coruña reactiva o coronavirus nas residencias galegas

Hai meses que non aparecía ningún contaxio entre anciáns de centros sociais, aínda que recentemente si habían asalto dous positivos entre traballadoras. En toda a área herculina está prohibido desde o venres as visitas e as saídas.

Un maior usuario da residencia Domusvi de Matogrande, na Coruña, deu positivo por coronavirus, de acordo cos datos actualizados este sábado polas consellerías de Sanidade e Política Social.

Imaxe de DomusVi Matogrande na Coruña nunha foto de Google Street View 

DOUS POSITIVOS EN TRABALLADORES LUCENSES

Ademais, seguen figurando como casos activos relacionados coas residencias de maiores os de dous traballadores: unha muller empregada na Residencia de Maiores San Bartolomeu de Xove (Lugo) e un traballador da Residencia de Maiores de Paradela, na mesma provincia.

As residencias non tiñan ningún caso positivo entre os maiores desde o 30 de xuño.

CONFINAMENTO DOS RESIDENTES NA CORUÑA

Precisamente, entre as medidas adoptadas para a área sanitaria da Coruña-Cee están a suspensión das visitas e saídas das residencias e o peche dos centros de día. Na área hai este sábado un total de 246 casos activos, 69 máis que onte, parte dos cales están relacionados cun brote vinculado a un ximnasio en Meicende, no municipio de Arteixo.