Positivo de coronavirus un médico de familia dun centro de saúde do SERGAS en Sanxenxo

|

Por agora non hai constancia de máis infectados, aínda que o SERGAS aínda acaba de completar a enquisa epidemiolóxica e está á espera dos resultados dos primeiros PCRs


Un médico de familia dun centro de saúde do termo municipal de Sanxenxo (Pontevedra) obtivo resultado positivo por coronavirus COVID-19, polo que a área sanitaria adoptou os protocolos correspondentes.


Centro de Saude en Baltar Sanxenxo


Centro de Saúde en Baltar, Sanxenxo, nunha imaxe de Google Street View


Así o confirmaron a Europa Press fontes da área sanitaria de Pontevedra e O Salnés, que explicaron que o caso positivo dun médico de familia foi detectado no centro de saúde de Baltar.


DESINFECTADO O CENTRO DE BALTAR

As mesmas fontes explicaron que "xa se fixo a enquisa epidemiologica" e "identificáronse os contactos", ademais de ditarse "os illamentos e as corentenas precisas".

Con respecto ao centro de saúde, por parte da área sanitaria destacouse que "se reforzou de forma inmediata a limpeza e desinfección".


Segundo A Voz, o médico acababa de volver de vacacións. Atopouse mal o mércores e o positivo foi confirmado este xoves. 



Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress