Familiares alertan que faltan enfermeiras en DomusVi San Lázaro, residencia con 53 falecidos, e a empresa négao

|

Fontes de Rede en Santiago de Compostela alertan que DomusVi San Lázaro "non ten enfermeiras suficientes para dar servizo aos seus residentes". Suposta falta de persoal que, en declaracións a Galiciapress, negan fontes oficiais da residencia, unha das máis golpeadas polo coronavirus, con 53 mortos.


Desde o colectivo de familiares e traballadores de residencias, "están a volver ás prácticas anteriores á pandemia, durante a noite non hai enfermeiras nos centros, como en Aldán, como neste caso en Santiago e en moitos máis; pero é moi difícil decatarse, porque non temos acceso aos centros".  En DomusVi Santiago as visitas dos familiares seguen limitadas a un día á semana.


DomusVi San Lazaro


Asilo de DomusVi en San Lázaro


VERSIÓN DA COMPAÑÍA

"Estás baixas xa foron cubertas e en ningún momento afectaron o cumprimento dos cocientes de atención directa fixados pola administración autonómica" responden portavoces do grupo DomusVi consultada por Galiciapress.


Desde a compañía, admiten que tres enfermeiras xa non traballan en San Lázaro, pero indican que "optaron por cambiar de traballo e aceptar a recente Oferta Pública do SERGAS".  DomusVi nega as "desavinzas coa dirección" ás que alude Rede. 


En todo caso, a compañía asegura que o cadro de persoal de enfermeiras e médicos que marca a Xunta e que, ademais, "conta cun médico permanentemente de garda para cubrir necesidades extraordinarias que poidan acontecer".


A Xunta TEN ABERTOS DOUS EXPEDIENTES A RESIDENCIAS

Non é a primeira vez que desde Rede alértase de falta de persoal en residencias de DomusVi, incluso unha vez superada a primeira onda do coronavirus. O encargado de vixiar que haxa persoal suficiente é a Xunta.


A Consellería de Política Social abriu antes da pandemia un expediente a DomusVi por falta de enfermeiras, pero foi por carencias detectadas varias veces noutra residencia, en Ribadumia.


Ademais, a Xunta confirmou que tamén abriu expediente sancionador polas deficiencias descubertas durante a pandemia na nosa Señora de Fátima do Barco, unha dos tres centros que tivo que intervir administrativamente, xunto a DomusVi Aldán Cangas e DomusVi Barreiro Vigo.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress