A ONCE reparte 350.000 euros nos municipios de Santiso, Toques e Melide

O cupón diario da ONCE repartiu 350.000 euros entre as localidade coruñesas de Santiso, Toques e Melide, en 10 cupóns premiados con 35.000 euros cada un no sorteo do 13 de xullo.

Segundo informou a ONCE, a vendedora María del Carmen González Rozas, adscrita á Axencia da ONCE de Santiago de Compostela, foi quen levou a ilusión a estas localidades que forman o seu roteiro de venda ao repartir os 350.000 euros.

O cupón do 13 de xullo, dedicado á pesca sostible e responsable, pertencente a unha serie dedicada ás confrarías de pescadores, tamén deixou premios en Estremadura, agraciada con 350.000 euros; e no Principado de Asturias, onde repartiu 245.000 euros.