O Tribunal Supremo desestima o recurso presentado e avala a celebración das eleccións na Mariña pese ao brote

Aínda que a situación parece aínda a día de hoxe lonxe de estar controlada na área lucense -suma sete novos casos esta xornada- o Tribunal Supremo dá luz verde para a celebración dos comicios. 

Desta forma, os votantes da comarca lucense, que permaneceu confinada ata onte e que hoxe aínda ten a varias localidades sobre as que pesa algún tipo de restrición, poderán acudir ao seu colexio electoral. 

A Salga III do Tribunal Supremo avalou a celebración dos comicios na Mariña (Lugo) este domingo tras desestimar o recurso presentado por Galicia En Común contra a resolución da Xunta Electoral Central.

O candidato de Galicia en Común-Anova Mareas, Antón Gómez-Reino, anunciou hai uns días que a súa formación recorrería a decisión da Xunta Electoral Central de permitir o voto na comarca da Mariña, comarca que tivo que ser confinada por un rebrote.

No escrito, o Supremo entende que "non procede" abrir a peza de medidas cautelares porque o recurso de Galicia en Común non pide ningunha en concreto e por tanto "carece de sentido oír á Xunta Electoral Central respecto diso".