Pecha Office Depot en Ourense, apadriñada polo baltarismo, cun ERE de 50 traballadores
Office Depot, con sede no Parque Tecnoloxico de San Cibrao das Viñas (Ourense), comunicou á representación legal dos traballadores o seu peche, mentres ten a intención de presentar de forma inmediata un Expediente de Regulación de Emprego (ERE) para os seus 50 traballadores.
Baltar pai presentou no seu día a esta compañía de venda de material de oficina a distancia como un dos motores económicos da provincia. Durante 18 anos centos de mozos ourensáns traballaron alí cun clima laboral "insoportable" segundo a CIG.
Office Depot, con sede no Parque Tecnoloxico de San Cibrao das Viñas (Ourense), comunicou á representación legal dos traballadores o seu peche, mentres ten a intención de presentar de forma inmediata un Expediente de Regulación de Emprego (ERE) para os seus 50 traballadores.
Tenda de Office Depot en Austin, Texas /Lizsummers en Wikipedia Wikimedia Commons
ANTES DE QUE EMPEZO 2021
Segundo informa a CIG nun comunicado este mércores, a empresa de subministracións de oficina prevé terminar con toda a súa actividade como data tope a finais deste ano.A CIG sinala que Office Depot é unha empresa multinacional que chegou a Ourense en 2002 "apadriñada polo naquel momento presidente da Deputación provincial, José Luís Baltar, e que prometía ser unha das grandes empregadoras da provincia", pero agora "anuncia o seu peche definitivo".
O sindicato nacionalista lamenta que a perda de medio centenar de empregos "é un novo e duro golpe para unha provincia que está condenada a converterse nun deserto laboral".
"CLIMA LABORAL INSOPORTABLE"
Ademais, censura que esta empresa caracterizouse polas súas "artimañas", con "continuos ERE, reestruturacións de departamentos e baixas voluntarias", "a gran maioría provocadas por un clima laboral insoportable". Pon de exemplo unha sentenza do xulgado do social de Ourense de 2006 na que a empresa "foi condenada por acoso laboral a unha afiliada da central sindical".Por todo iso, a CIG asegura que vai estar presente durante o período de consultas do ERE co fin de garantir os dereitos dos traballadores e "tentar evitar ata o último momento o peche definitivo".
Escribe o teu comentario